Devlet Poşta izmeti haberler , ani sentäbrinin dördündän insannar var nicä poçtada 1000 ley  üürenmäk yılına hazırlanmak için , bu olacek sade 1 sıra yılda. Bu yardımı Herbir uşak 1-9 klasadan kabledecek . Bu yardım  veriler devlet büdjetindän .Hep ölä 1000 ley kabledeceklär üürenicilär 1 klaslardan 12 klaslaradan avtonomiyanın büdjetından.

Programanın bütünä büdjeti üürenicilär için   birinci klaslardan dokuzuncu   klaslaradan kurȇr 300 mln ley, paralar geçirer  devlet büdjetindän . Yardımı kabletmäk için hakları  var  analarda — bobalarda , opekunnarda  .Paralar geçiriler herbir uşaa.  Moldova devletin Premier -ministrusu  Dan Perçun nışannadı , ani finans yardımı veriler, bakarak hükümetin kararına görä. 

«Bu paralar, angılarını verer devlet , var nasıl kulanılsınnar . Biz isteeriz , ki bu yardım  olsun rubalara , şkola cantalarına , şkola tedarıklarına ,şkola materiallarına , hem da başka lääzımnı işlär için şkolaya.Biz ana-bobalardan otçötu istämeyecez, nereyi onnar harcaceklar bu parayı»,- Dan Perçun nışannadı.

Bir vakıtlık yardımı  var nasıl olacek kabletmää 3 kolaylaa görä: ilk kolaylık- kartaya MKabinettan, ikinci kolaylık — kartaya banktan, üçüncü kolaylık — postada.

Erli yaşayannar istämärsäydilär parayı kabletmää kartaya , ozaman var nasıl kabletsinnär devletin türlü poşta bölümnerindä. Biz sorduk Gagauziya yaşayannarına yardım edecek mı onnara bir vakıtlık finans para yardımı, sayıda binär ley, hazırlamaa deyni uşakları şkolaya.

«Ne bu bin ley, bu vakıt».

«Sade bir canta eder 1500-1600 ley. Ama ne bu bin ley , ne bu yardım».

«Makar ki 3-5 bin ,ki uşaklar annasınnar bişey».

«Kendiniz annayınız , nekadar lääzım şkola tedarıklarına , rubaya , ayak kabulara.Makar beşär bin veräydilär. Saa olsunnar bu bin ley için da».

«Kimdä var para, o islä , ama kimdä yok, o büük yardım».

Devlet bücetından paralar üürenicilär için , 1 -9 klaslardan , veriler bu yıl  ilk sıra. Dört yılın süresindä Gagauziyada giriştiriler soţial programa , tutturmak için üreniceliri . Hepsi üürenicilär için 1- onikinci klaslaradan bu yıl genä verilecek bir vakıtlık para kompensaţiyası avtonomiya bücetından.Onun sayısı 1000 ley kuracek , taa beşüz ley kabledeceklär kolaylıksız uşaklar.