Komrat kasabasında geçti şahmata turniri, o adalıydı kasaba yortusuna. Yarışmalara geldilär çok oyuncu başka kasabalardan, hem da çok musaafir.  «En islä şahmatist»  için partiyaları oynadılar   hem professionarlar, hem da uşaklar. 

Regional şahmata şkolasının direktoru İvan Velikoglo söledi, ani   Respublikanın turniri  genişlener.

«Bu turnir bölüner iki kategoriyaya. Turnir A hem turnir B. A Turnirin içindä   ilerleerlär en kuvetli Moldovanın sportçuları. Bizä geldilär Ungendan, Kaguldan , Komrat kasabasından , Tiraspoldan, Belţı, Kişinöv, Rışkanı, Ceadır-Lunga, Tarakliya, Kirsovo yaşamak erlerindän»,- dedi direktor.

Halklararası  master Boris İtkis  söledi kendi bakışını,  angı uurda geçti turnir. 

«Hepsi kim  lääzım islä oynȇȇrlar. Burada sanȇrım 60 insan ,bu pek çok . Bizdä Kişinöv kasabasında , biz toplanȇrız , ama  siirek. yakın 60-70 insana bizdä siirek toplanȇr .Bunun için , sanȇrım, ani hepsi olacek islää»,- nışannadı master.

Şahmata turniri uşaklar  için — bu  şans göstermää kendini , hem almaa neysä professionallardan.

«Turnir pek islää. Lääzım inanmaa kendinä» ,- söledi pay alannarın biri.

Bitkidä  kurucular söledilär kendi bakışı  uşakların uuru için.

«Turnir pek kuvetli . Bizim kasabamızda bu pek önemni  turnir .Burada uşaklar   oynȇȇrlar , görüşerlär . Bu pek büük uur , burada oynȇrlar üç halklararası master, hem kandidatlar kim isteer olmaa birinci razrädta»,-  nışannadı trener.

«Bän beklärdim, ani alacez taa çok priz erlerini Respublika çempionatında. Kim ii hazırlandı , onnar da gösterdilär ii çıkışları. Biz aldık 11 medali.Bizdä şindi dört uşak , angı giderlär çempionata, Evropaya, Çernogoriyaya, Kazahstana, Albaniya. Bu söleer , ani şkola bizdä pek islä işleer  da biz sanȇrız , ani alacez prizları  halklararası yarışmalarda, da gösterecez  başarları»,- söledi trener.

Respublika  turnirdä ilk oldular Vasiliy Naidiç Tiraspoldan,   Ekaterina Kiräkova Komrat kasabasından.Uşaklar 8 (sekiz yaşından-on dört yaşınadan.

  • Vladislav Kendigilän 
  • Gloria Kodrän
  • Viktor Stançev  
  • Viktoria Mınzat 
  • Sergei Kasapu
  • Polina Hudoba
  • Timofei Erskoi
  • Daria Velikoglo