Коmratta eni üüretim proekti başlȇȇr. Aşaadakı Dunay universiteti KDU-nän rumın dili kurslarını açȇr. Sesleyicilerä deyni 160 er stipendiya ödemesinnän kararlı. Programanın sonunda başarannar evropa uuru diolomnarını kabledeceklär. Üürenmäk A1 — B2 üürunadan geçecek.
Aşaadakı Dunay unuversitetin rektoru Marian Barbu belli eder, ani kursların çalışması – önemli Rumıniya da Komradın da universitetlerinä. О inanȇr, ani unuversitetlär eni proektlerä taa koyacek.
«Burada kalmak için geldik hem büük zamana. Proektleri ilerletmää hen aktiv çalıştırmaa neetliyiz ölä, nicä 25 yıl Kahulda hem 10 yıldan Kişinövdan yaptık. Evropa diplomunu kabletmää var herbirin hakı»,- Marian Barbu belli eder.
Rumıniya rektorlar konsilium prezidenti Sorin Kımpänu belli etti, ani dilleri bilmäk eni sınırları açȇr. Rumın dilin üürenilmesi – gelecää investiţiya.
Sorin Kimpänu, Rumıniya rektorlar konsilium prezidenti: «Neçin bäl söleerim, bu önemli bir programa? Çünkü dili bilmäk-bilgilerdän kaarä yaşamaya eni bir başarlı yolu açȇr».
Komradın primarı Sergey Anastasov kursların açılışını iki taraf içn da başarlı bulȇr.
«Herbir devletin kendi dili var – bunsuz bireri. Er istärsäk uşaklarımız görevleri olmaa, bunsuz bireri ilerlämeyecklär. Büüklerä zor olacek üürenmää. Onnar, kim cümnä erlerindä işleerlär, dili lääzım bilsinnär»,- Sergey Anastasov söledi.
KDU-in rektoru Sergey Zahariya söleer, ani halkararası baalantılar studentlerin üürenmäk yollarını kaavileder hem ilerleder.
«Biz annȇȇrız, ani dilleri bilmäk kulturaya, tradiţiyalara, devletin geleceenä yol. Rumın dilini bilmäk halizdän büün sorumnu yaşamamızda»,- Sergey Zahariya söleer.
Üürenmäk proţesi sbu yılın sentäbri ayından çeketti, proţes uzııcek 2026-cı yılın iyünün 30-da. Studentlär stipendiyayı kabledeceklär. Kursların bitkisindä başarannar evropa diplomunu A1- B2 uurları için kabledeceklär.