KDU-dä Erasmus+ ENRICHER-hub proektin çerçevesindä turistik merkezi açıldı. Proekt Moldovanın, Avstriyanın, İtaliyanın, Finländiyanın universitetlerini birleştirer. Açılışta unuversitetin öndercilii, üüredicileri, turistik uurundan iş adamnarı pay aldılar.
«Eşil turizma konţepţiya yapılması üüretmäk uurunda» turistik merkezi neetli regionda bu industriya için uzmannarı hazırlamaa», söledi proektin koordinatoru Lüdmila Fedotova.
«Merkez olacek diil sade universitet için, ama bütün regiona deyni dä. Turizm gelirleri getirer hem başka halklarlan tanıştırȇr»,- Lüdmila Fedotova söledi.
Proektin ȇksperti Alla Levitskaya çizgiledi, ani turizmayı ilirletmäk için sorumnuk var.
«Turizma filialların birisi bu merkezdä çalışacek. Proektin çerçevesindä kısa kursları benefiţiarlara deyni hem onnara, kim turizmada sayılȇr hazırlȇȇrız»,- Alla Levitskaya çizgiledi.
Proektin öndercisi Lübov Arikova belli eder, ani merkezin açılışı universitetin üüretim uurunu eniledecek.
«Hab – kolaylık eri, neredä insan hem onnarın kolaylıkları eşil turizmayı ilerletmäk için birleşerlär. Burada turizma zanaatında studenterindän kaarä,finansı, marketing zanaatlarından studentlär dä bulunȇrlar. Biz birliktä işleeriz»,- Lübov Arikova belli eder.
İş adamı Anna Statova kendi biznesını region uurunda çalıştırȇr, iniţiativanın Gagauziya için önemliini o belli etti.
«Biz sizi praktikada üüredecez, üüredicileriniz dä teoriyaya, nicä turizma uurunda çalışmaa. Birliktä dä turistlerä musaafirci Gagagauziyamızı açacez»,- Anna Statova çizgiledi.
Büünkü günä KDU-dä «Тurizma hem konak evi çorbacılıı» üüretim programasına görä, 10 student üürener. Turistik merkezin açılışı praktika sınışlarını geçirmää, treningları, biznes-çelendjlarını hem proekt işlerini verer kolaylıı çalıştırmaa, söleer studentlär.
«Bän istärdim studentlerä verilsin kolaylık praktikayı geçmää sizin kultura merkezinizdä hem biznesın kurulması için annadasınız».
Oluşun pay alannarı belli ettilär, ani turistik merkezi KDU-ndä kaaviledecek erini Evropa üüretimindä hem aktiv eşil ekonomikada pay alacek.