Kıpçak küüyündä geçti Gagauziya yaşayan punktlar primarların heraylık iş buluşması. Adetçä bu topluma geldilär küü hem kasaba başları ki barabar lafetmää problemalar için, angısınnan herbiri iştä kaarşı geler hem bulmaa dooru kararları.
Buluşmanın süresindä bakıldı Moldova Respublikanın administrativ uurunda diişilmekleri hem onun var olan ilişiklii erindeki kuvetlerä. Pay alannar söledilär kendi düşünmeklerini, nışannadılar problemaları hem urguladılar nekadar önemni avtonomiya uurunda barabar çalışmak.
Buluşmak soruşların arasında hro ölä da vardı Taraklıda Bulgaria devletin konsulunnan Lübomir Dimovlan tanışmak.
Bundan kaarä primarlar baktılar taa başka soruşları da. Bölä buluşmakların onemnii için söledi Baurçu küüyün primarı Sergey Tukan: «Bana çok önemni bu toplantımız bizim — bän ilk mandattayım bu uurdayım ama kollegalarımız,angısı ani bu uurda 5-4 mandat var onnardan örnekleri almaa deyni — bu bana çok önemni — yalnız çekettirmää bu işi zor, biz biri-birimizä annadȇrız ne olȇr, ne problemalar var yannaşık küülerdä da biz alȇrız ona görä örnekleri, savaşȇrız yapmamaa te o yannışlıkları».
Kıpçak küüyün primarı Oleg Garizan nışannadı, ani bölä buluşmaklar sık geçerlär herbir küüdä hem kasabada.
«Bizim için çok faydalı olr neçin deyni biz toplanınca biz lafederiz — kim angı problemaları nesoy çözeer kendi küülerindä — biz sıralȇȇrız her ay başka-başka küülerdä buluşȇȇrız — fevraldä bizim küümüzä»,- Oleg Garizan nışannadı.
Iş buluşmasında pay almaa teklif edildilär hep ölä da devlet konţelàriyasının azaları Kişinövdan hem Komrattan ,Löva kasanın primarı hem administrativ diişilmeklerindä uzmannar. Sıradakı buluşmak geçecek mart ayın sonunda Komratta.