Çadır kasabasının primariya yapısını bütündän düzerlär. Bu «Satul european-2» proektin giriştirilmesi. Hepsi işlerin yapılmasına Moldova Hükümeti verdi yakın 5 buçuk million ley. Primariyanın kontribuţiyası kurdu 1 million leydän zeedä.
Primariya yapısı Çadırda düzüldü 40 yıl geeri. Bu vakıdın içindä bütündän düzmek işleri burada yapılmadılar. Bu proektä görä, burada örtüyü yaptılar, içanda herbir kabinetı düzdülär, güneş panelleri koyulaceklar, dışandan duvarlar sıcak sarılêrlar, yısıtmak için eni er yapılêr, hep ölä da hepsi avadannıklar da eni alınaceklar. Bunu haberledi Çadır kasabasının primarı Anatoliy Topal: «Proekti biz kazandık, para geler devlettän, Kişinövdan. вырезать 6 million hepsicii para. Onu verer bizä devlet — biz kendi uurumuzdan koyȇrız bir million, angısınnan yaptık içanda kotelnayı».
Ayırı dikkatlık veriler sıcaan hem şafkın korumasına. Güneş panellerin koyulması hem yısıtmak sistemanın enilenmesi verecek kolaylık taa aaz gaz hem şakf harcamaa, — dedi Anatoliy Topal: «Şindiya kadar bizdä gaz gidärdi 300 kub yısıtmaa, şindi sanȇrım kalacek sadece 100, eni örtü — koyulaceklar güneş panelleri, angısınnar bizä yardım edeceklär 50 proţendä küçültmää elektroenergiyayı ani harcȇȇrız».
Hepsi işleri plannanêr başarmaa iki ayın içindä. Çadır primariyasında çalışêr 40 uzman.