Çin devletindän türlü malları satın alan vatandaşlara vergi var nicä ödetsinnär. Moldova kuvetleri butürlü iniţiativa için artık lafederlär. Premyer Ministru Aleksandru Muntänu çizgiledi, ani bunu yapmaa sira gelecek hem, ani eni kuralları hükümet finans ministerliinnän birliktä düşüner.
Moldova devletindä bakılȇr soruş, angısı baalı vergilärlän te o mallara, angıları satılȇrlar internet — tükennerindän. Hükümetin temsilcilerin laflarına görä, zamandaş koşullarda erli biznes taa prost halda bulunȇr o üzerä, ani yabancı platformalar ödämeerlär vergileri, o vakıt açan Moldovanın kampaniyaları lääzım ödesinnär hepsi vergileri. Moldova devletin Parlamentin deputatı Marian Radu taa ileri nışannadı, ani problema lääzımdı şindän sora çoktan çözülsün, neçinki Moldovanın biznes adamnarı karşı gelerlär konkurenţiyalan ucuz malların tarafından.
«Lääzım açıktan sölemää, ani problema halezdän var. Kitay koyȇr büük paraları. Yok nicä rükzak 30 ley etsin. Bizim ȇkonomika agentleri halezdän alaşȇrlar, ani bölä durum pek belli eder onnarın işindä, iisilder satmayı hem da dolaştırȇr korumaa iş erlerini»,- Marian Radu nışannadı.
Moldova devletin Premyer — Ministrusu Aleksandru Muntänu nışannadı, ani ideya toplama deyni vergileri bakılȇr hükümetin hem da finans Ministerlinnän. Onun laflarına görä, soruşlar ilişerlär diil sade ȇkonomikaya, ama korkunçsuzlaa da — hükümet lääzım annasın, nesoy mallar etişerlär devletä.
«Elbetki, biz şindi üüreneriz finans Ministerlinnän, nicä doorutmaa bu işi. Var çok mal, angıları baalı korkunç usluklan — ne geler bu posılkalarda, ama var ȇkonomika payı da, angısını doorutmaa lääzım. Olaceklar diişmeklär»,- Aleksandru Muntänu nışannadı.
Hükümetin başı çizgiledi, ani eni vergilerin bitki parametraları taa diil belli. Hepsi proţeduraların başarmasında öndercilik belli edecek hepsi detalileri. Taa ileri hükümetin öndercileri haberledilär, ani posılkalara, angıları edeceklär 150 eurodan taa az vergi ödenmeyecek.