Kışın hava koşulları  zorladȇrlar  durumu devletin yollarında.  Ayazlar , yaş kaar hem buz var nicä getirsinnär kötü olaylara yolda. Araba kullanıcılarını  hem yayan gezenneri  şüpelendirerlär olsunnar atent kaygın yollarda. 

Kaygın yollar, duman, hem  buzluk  getirdilär ona, ani devlettä  sayıya koyuldu 166 yol razgelmesi.   Yollarda hem trotuarlarda neredä da  koyulu kum, hep okadar varnicä insan  düııün, yada araba yoldan kaysın. Bu iş için arabacılar lääzım genişletsinnär distanţıyayı, hem  biri-birini yolda savaşmasınnar geçmää. Kış şınaların kullanması bçlä koşullarda — ilk lääzımnı ki olmasın kötü olaylar.  Nicä urguladı Üg baknıın subofiţerı Andrey Dimitroglo,  hem büün  yolrazgelmesi neredä yaralandı insannar yoktu, sade sayıya koyuldular te onnar, angıları kullanamadılar arabayı da, kaydılar yol boylarına.  Büün erken Baş küüyünün yanında raba kullanıcısı  kaygın yolda küveta düştü,  ama yaralanmadı. 

«Dün taa çok ekipaj  çıkardık yollara, hep ölä bizä katıldılar karbinerlarda, angıalrı arabacılara yardım edärdilär bu zor hava koşullarında, neçinki çoyu yollardan zordu geçmää kaardan.   kimi  yollarda buz vardı, da zordu arabaylan gitmää.  Komrat hem Çadır dolaylarında  yolrazgelmesi yaralanmış insannarlan yoktu. Vardi olaylar, açan şoför kullanamadı arabayı da çıktı yol boyuna. Baş küüyündä  arabacı kullanamadı  maşınayı da küveta girdi, o yaralanmadı»,- Üg baknıın subofiţerı Andrey Dimitroglo urguladı.

Atent lääzım olsunnar yayan gezennärda. Kaygın yolda arabalar hızlı durgunamȇȇrlar. Onun için poliţiya hem kurtarıcı izmetleri   şüpelendirerlär, ani  atentlik yolda  maasus kış zamanı — cuvaplık herbirinä deyni.  İlin kuralların bakılması  varnicä kurtarsın sizin yaşamanızı. 

«Yayan gezennerä lääzım geçmää yolu inikunu, kaçmayarak, neçinki o kayer,  da taa çok o erlerdä neredä var maasus nışannar hem svetafor.  İlk biz nasaat ederiz araba kullanıcılarına bakmaa taa inikunu gitmää  bakarak hava koşullarına. Koşmaa yakındakı şafkı ki taa ii görünsün yol, tutmaa rarabaların aralarında distanţıyayı çünkü yolda var buz, kulanmamaa ceb telefonunu. Hep hep ölä savaşmamaa başka arabaları geçmää.Hep çıkarkana yola  kontrol etmää arabayı tehnika tarafından. Hem önemni olsunnar kış şınaları»,- Andrey Dimitroglo urguladı.

Çin sabaalendän komunal çorbacılıın izmetçileri  daatılar  kum trotuarlara, ki insannara taa ilin olsun gezmää İmettä urguladılar, ani kışa  hazır onnar hem alındı lääzımnı sayıda kumnan tuz karışık, nışannadı  muniţipal kurumun uzmanı Pötr Peyoglo: «Dün gecä bizim izmetimiz çeketti daatmaa kumu kasabanın yollarında, büün da erken başladık onu daatmaa  yol boyalarına hem trotuarlara,  hem hep ölä o kurumnara nicä bolniţa,  uşak başçaları, heredä neredä gezer insannar. Şindi daadȇrız  kum Lenina sokaanda,  soramda hızlı medik yardımın  dolayında, hem mezarlıın yanında.  Savaşacez ki insannar düşmesinnär.  Biz üçüz ton  kum aldık, ki bütün kış vakıdında zor durumnarda kulanmaa onnarı».

Avtonomiyanın yaşayannarı  nışannadılar, ani zor gezmää yolda, makar  daadıldı kumda, var erlär neredä taa erimedi buz, da kayer. 

«İi var nicä taa gezmää. Esap aldınız kum  var mı? Var, çoyu erledä koyuldu. Ta ii evdä oturmaa lääzım, nekadar soram poliklinikaya gitmää».  

«Biz geldik başka erdän, amma var erlär kum koyulmuş, var neredä yok. Bizdä da buzluk. En önemni, ani  yaadı kar». 

«Bana kolay. Neçin?  Çünkü ayakkabılarım uygun». 

«Giderim inikunu,  bakerım hererdä  koyulu kum,   gelerim taa ikinci okuldan hererdä daadılı». 

«Pek zor, buzluk. Var kum, ama diil hererdä. Bän giderim, zerä ayakablarım uygun.  Bün sayerım, ani varniceydı taa ii olsun».

«Bölä hava. İlin gezmää, komunal işçilär ii işledilär».

«Zor pek, kayer, amma saol ani onnar bizi düşündülär» 

«Taa ii oturmaa evdä, amma erlem çıktıysan, ol atent, zerä yolda pek kayer». 

Sinoptiklär  şüpelendirerlär , ani bu yakınnarda hava koşulları diişilmeyeceklär, buzlukta kalacek. Araba kullanıcılara hem  yayan gezennerä nasaat ederlär olmaa atent, ilerdän kurmaa marşrudu  hem esaba lamaa yol kurallarını.