FC «Oguzsport» sport hazırlanmakları Türkiye devletindä Samsun Sport klubunnnan imzalanmış annaşmaklarına görä geçtilär. FC «Oguzsport» komandanın prezidenti Anatoliy Mavrodi nışannadı, ani hazırlanmaklar verdilär kolaylık sportçulara kendi becermeklerini ilerletmää .
«Biz bu annaşmaklara görä iki komandamızı, angılarına U-15 U-13 yaşında pay alannar girdilär Türkiyeyä getirdik. Bu buluşmaklar pek faydalı, onnar kendi becermeklerini ilerlederlär, eni duygular, eni fikirlär peydalanȇr. Türkiyenin professional akademiyasında bulundular, Türkiyenin en anılmış klubların birisinnän tanıştılar»,- nışannadı trener.
FC «Oguzsport» klubun başın laflarına görä sport hazırlanmakları kaavilederlär sportçuların uurunu.
«Bu ii kolaylık uşakların ilerlemesi için. Bän bilerim, ani bu oynulardan sora onnar psihologiya tarafından da taa kaavı oldular. Onnar kendilerinä başka neetleri hem davaaları koydular»,- ekledi Anatoliy.
FC «Oguzsport» plana koydu halklarası uurunda sport hazırlanmakları ilerletmää, ki uşakların olsun kolaylıkları professional uurunu üüseltmää.