Avtonomiyada üüretim kurumnarın finanslaması hem Kultura evlerin çalışmak polojeniyası inandırılı – kararı Gagauziya Bakannık komiteti kabletti.
Gagauziyanın üüretim kurumnarın finanslamak soruşun açıklanmasında Üüretim bakanı Natalya Kristeva açıkladı. O teklif etti informaţiyayı, ne baalı finansların doorudulmasınnan hem var olan proţeduraların sırasınnan.
«Maasuz komisiya bildirdi finansları Gagauziyanın üüretim kurumnarın finanslamayı. Onu sayısı 341 bin 973 ley iki poziţiyaya görä kurȇr. Finanslar inandırılmaya GHT doorudulaceklar»,- Üüretim bakanı Natalya Kristeva açıkladı.
Oturuşun sırasında hep ölä teklif edildi Polojenie proekti avtonomiyanı Kultura evlerin çalışmasınnan. Neetleri hem beklenilän çıkışları Kultura bakanı Marina Semönova açıkladı: «Dokumentin neeti – kultura uurunda devlet hem dolay istediklerini çalıştırmaa hem yaşamak erlerindä insannara kulturada lääzımnı koşulları teklif etmää. Bekleniler, ani dokument Kultura evlerinä verecek kolaylıı avtonomiyanın yaşayannarı kultura oluşlarına katılsınnar, kultura evleri kendi rolünu, yaşayannarın kultura, cümnä hem yaradıcılık yaşamasında. Büünkü günä Kultura evleri gagauz halkın material hem diil material varlıını yardım ederlär korumaa».
Kultura bakanı Marina Semönova çizgiledi, ani Kultura evleri halkın adetlerin, tradiţiyaların, muzıkanın, oyunnarın, ustacılıın yaşamasında büük rolä oynȇȇrlar. Onun laflarına görä, Polojenie zamannan lääzım kabledilsin, ki vakıtlan çalışsın. Proekt hepsi Kultura evlerinnä kullanabilir. O geliştirilecek inandırılı büdjetä görä. Öncä cümnä seslemekleri geçirildiydi, sonuçlar için dokument avtonomiyanın hepsi primariyalarına dooruduldu.