Bitki günnerdä Moldovada hava sık diişer. Yaamur hem ayazlar getirdilär ona, ani yollarda buzluk oldu devletin orta, poyraz hem başka dolaylarında.  Komunal izmetleri  kötü hava koşullarda yolları paklamaa çalışȇrlar.

Buzlu yollarda insannara zor gezmää, onuştan da çoyu yaşayannar savaşardılar evlerindän bölä havada çıkmamaa. Kim da çıkardı, savaşardı sepelemää kendi evin dolayınında tuz, kum yada kül, kaymasın deyni.

«Pek kötüydü, yok nicäydi çıkmaa sokaa».

«Bän şindi sade çıktım. Buzlu yollarda çalışȇrım gezmemää. Gördüydüm,ani sepelerlär tuz, kum».

«Bän problemsiz çıktım, zorluk duymadım, maşinaylan da çıktım».

 «Bän evdä oturdum, çıkmadım bireri. Zorcaydı evin dolayında da gezmää, ama hep okadar. Ama ne yollarda vardı, bilmeerim».

 «Evdä durdum, ki düşmemää. Hepsi bu günnär evdäydi, pek korkȇrım düşmää».

«Yol hem komunal izmetleri paklaardılar yolları hem sepelärdilär  kimi erleri  kumnan, ne ilinnetti yollarda gezmeyi».

 «Evdä sepeleriz kum, kül, savaşȇrız çıkmamaa sokaa».

 «Yollarda kimi erlerdä sepeliydi, kimi erlerdä yoktu kum. Ani sepelerlär kum — islää,ama tuz çürüder maşinaları».

«Gördüm, ani  tuz, kum sepelerlär, Kişinövda da. Uzmannar da zavalı.Ödäydilär taa zeedä, belli, ki işleyeceydilär taa ii.Ama bölecä dä işleerlär».

Sinoptiklar, poliţiya hem Hatalı olaylar  milli inspektoratı  nasaat vererlär insannara ayazlarda taa az nereyi sä gitmää, taa çok evdä bulunmaa. Bu uurda lääzım şoferlara hem yayan gezän insannara çok dikkat olmaa.