Çadırda uşaklar için gösterdilär derin maanalı «Неежик» spektaklisini. Onu koydu burada Kişinövdan «С улицы роз» Üriy Harmelin adına devlet gençlik dramatika teatrusu.
Şen hem cana yakın bir istoriya küçük kirpicik için, angısınnan istämeerlär oynamaa başkaları, neçinki o pek saplêêr hem benzämeer kimseyinä. Olmaa deyni nicä da başka hayvancıklar, kirpicik danışêr bir büülü tokmaa — da o çevirer onu. Şindi kirpiciktä peydalanêr yımışak deri, tavşamın kulakları hem Kaba kuyrucuk. Ama hepsi bu diişilmeklerdän sora onu anasıda tanıyamêr.
«Bu şen, islää masalda kahramannnar göstererlär uşaklara, ani pek önemni kendini sevmäà hem diişmemää , söledilär siiredicilär».
«Spektakli üüreder ona, ani lääzım kalkmaa olà nesoy varsın. Spektakliyi beendim, ayırı kirpicii».
«Sanêrım, ani spektakli üüreder seslemää kendi fikirini hem kalbini».
«Beendim kirpiyi, diil lääzım herbirinà beendirmàä kendini».
«Çok türlü êmoţiyalar oldu uşaklarda, muzikalı pauzalar pek gözäldilär hem lääzımnıydılar, pozitiv şennik ne bitkiy vakıt etişmeer uşaklara».
«Spektakli üüreder,ani kendini diil lääzım diiştirmää, olmaa ölä nesoy duumuşun».
Spektaklinin süresindä uşaklar oay aldılar onda, oynadılar, çaldılar, yardım ettilär kahramannara. «С улицы роз» teatrunun başı Aleksandr Petrov söledi, ani gagauz milli teatrusunnan barabar çalışmaklar ilerleyeceklär.
«Elbetki spektakli dostluk için, sevda için, sevda dostlara, anaya, mamu sevdası çocuuna. Gagauz teatrusunnan barabar çalışmak oldu Moldfest festivalindän sora, açan gösterdilär spektakliyi, Natalya Paladiy oradaydı. Saerım ,ani bu diil bir zamannık çalışmamız»,- Aleksandr Petrov söledi.
Harmelinın adına teatrusunun aktörları herzaman bütün üreklän sţenaya çıkêrlar — şen, dinamik hem derin maanalı spektaklileri, dedi gagauz milli teatrusunun yaradıcılık başı Natalia Paladiy: «Bu masal gösterer, nejadar önemni kendini sevmää hem başkasına bakmamaa. Uşaklara deyni da, o uureder onnarı ani lääzım kalmaa ölä nesoy varsın, diişmemää kiminsa için. Bu pek aktual şindiki vakıtta, açan çoyu isteer kimä sa benzemää».
«НЕЁЖИК» spektaklisi dostluk için hem nekadar önemni kendini saymaa. Siiredicilär için da taa bir kolaylık teatruylan geniştän tanışmaa.