Moldovada sade 30-40 bin ektar mera yıslanılȇrlar. Bu sayıları açıkladı ekonomika uurunda ekspert Väçeslav İoniţȇ.
Büünkü gündä MD berekedi büütmää deyni meraların sade bir buçuk proţentindä yıslamak kolaylıkları kullanılȇrlar. Bu kaaplȇȇr 30-dan 40 bin ektaradan. Uydurarak 1990-cı yıllan ozamannar 290 bin ektarlık toprak yıslanılardı, nışannadı ekonomika eksperti Väçeslav İoniţȇ.
VÄÇESLAV İONİŢȆ ekonomika eksperti
“MD çi̇ftçi̇li̇k mi̇ni̇sterli̇i̇nä görä yıslanılȇr 36 bin ektar. Sayȇrım, ani bu sayı 30 -40 bin ektar kurȇr. Bu önceki yıllarda yıslanan meraların sade 10-cu payı”.
Yıslamak için kullanılan su sayısı 40 sıraya taa az oldu, nışannadı uzman.
“İlerdän meraları yıslamak için 900 mln.ton su kullanılardı. 2025-cidä 21 mln.ton. Bu sayılar gerçek”.
Klimatın diişilmesi hem devletin üülen tarafında kuraklık sebepindän, meraları yıslamak probleması yıl-yıldan taa aktual olȇr, nışannadı Gagauziya Çiftçi bakanı Sergey İbrişim.
SERGEY İBRİŞİM Gagauziya Çiftçi bakanı
“Bi̇zdä, devleti̇n üülen tarafinda bu proţentin sayısı taa da küçük. Bizdä kimi çorbacılıklarda damna yıslaması baalarlarda hem başçalarda kullanılȇr. Büünkü gündä meraları yıslamaa pek önemni, ama başka soruş-neredän almaa bu suyu. Biz lääzım yaamur sularını toplamak için gölleri yapalım ”.
MD çiftçilik — ekonomika ilerlemesinin önemni bir payıydır. Suyun maanası kumsal topraklar hem çiftçilerin çalışkannıınnan bir uurda bulunȇr, nışannȇȇrlar uzmannar. Çiftçilik uuru başarılı olması yaamurlardan çekiler.