Moldovada mart ayın birindän daa düzmäk hem genişletmäk akţiyası başlanıldı. Bu yıl devlet kuvetleri 3 bin ektarda yakın 11 milion küçük fidancık plannȇȇrlar dikmää.
Moldovada «Моldova-2030» milli strategiyası ilerleer, ki daaların genişlii devlettä 11 proţenttan 15 proţenda kadar kursun. Kuvetlerin plannarına görä bu yıl eşilletmäk akţiyasına görä yakın 11 milion fidan dikmää lääzım. Daaların genişletmäk işleri avtomoniyada da geçiriler, paylaştı daa resurslarında injenerı, Konstantin Garçu: «Kurallara görä fidannar ilk ayazlaradan güzün dikiler hem ilkyazın, açan hava buna deyni yakışȇr. Bu yıl taa yanvar ayın bitkisindä büümneri dikärdik. Yakın 90 proţenda biz kendimiz financıkları hazırlȇȇrız. Bir yıllık- salkım fidanı, kül hem meşä aaçları-2-3 yıllık. Pek ii 20-25 ektarlık daacazlar Çok-Maydanda, Djoltayda var. Burada da savaşȇrız eniletmää daaları».
Nicä nışannadı daa çorbacılıın uzmanı, yıl yıldan bakarak klimatın diişmesinä, fidancıkların çeşitleri diişer.
«50 proţenttän zeedä salkım fidanı dikeriz. Bu yıl yakın 2 ton meşä tohumu var ekmäk için. Kendi ii pitomniklerimiz var. Savaşȇrız meşeyä geçelim, ama şindi sık kül, kara aaçı hem glidiçiya kullanȇrız. Bu takım fidannar taa ii giderlär»,- daa çorbacılıın uzmanı nışannadı.
Moldsilva kurumun informaţiyasına görä, isteyennär kim plannȇȇr eşilletmäk akţiyasında pay almaa, var kolaylıkları yakışılıklı lokaţiyayı ayırsınar girip «Участвуй в посадке — весна 2026» bölümünä. Bundan kaarä kendi kararı işin Moldsilva temsilcilerini haberlesinär, açıp kurumun telefonunu.