Moldova devleti gagauzlar birli̇i̇ 18 yıl artık kendi̇ i̇şi̇ni̇ götürer. Bu birlik Gagauz Erindä diil, ama Respublikanın türlü küülerindä-kasabalarında yaşayan gagauzları bir araya toplamak için kuruldu. Da bu yılların süresindä hep bu daavayı ilerleder. Hep ölä o gagauz dilini korumaa deyni, halk kulturasını ilerletmää deyni kuvet koyȇr.
May 20 yıl geeri Moldova devleti gagauzlar birli̇i̇ni Nikolay Terzi, Stepan Bulgar, Stepan Kuroglo, Stepan Kurudimov, Nikolay Pamujak, Zahar Grozdev, Afanasiy Spatarenko kurdular. Onnar da bu Birliin daavalarını kurdular — gagauz dilini korumaa, halk kulturasını ilerletmää. Bu davalar büün dä ön erdä bulunȇrlar, — söleer Мoldova devleti Gagauzlar birliin öndercisi Nikolay Terzi: «Ozaman da 18-20 yıl geeri taa çok bizä yardım edärdi Evropa. Evropa nasaatı, onnar yardım edärdilär bizä. Onnar istäȇrdilär, ki bizdä dä olsun hepsi , nicä onnarda».
Мoldova devleti Gagauzlar birlii Moldovanın türlü küülerindä-kasabalarında yaşayan gagauzları bir araya toplȇȇr. Var baalantı aşırı devletlerdä yaşayan gagauzlarlan da.
«Bizä lääzım dil. Olsun bizim dilimiz! Lääzım kulturamızı ilerledelim»,- sayȇr Nikolay.
Buluşmalar Kişinöv kasabasının M.Çakir adına bibliotekasında geçerlär.
«Gagauzlar bizim burada, ani yaşȇȇrlar da isteerlär nesä sölemää, yada bir kiyat yazmışlar da prezentaţiya yapmaa isteerlär»,- ekledi o.
Kulturaylan hem dillän baalı soruşlarından kaarä Мoldova devleti Gagauzlar birlii cümnä — politika durumu için dä kendi bakışını hem tekliflerini açıklȇȇr. Bu açıklamakların temelindä herzaman — ofiţial Kişinövun hem Komradın aralarında konstruktiv dialog.