GRT kanalın «Gagauziya gün-gündän» prorgaması süresindä MD Premyer-ministrusu Vasile Tofan küçük hem orta biznesin desteklemesini devletin ȇkonomika ilerlemesinin önemni uurlarının birisi olarak nışannadı. Taa derindän süjetimiz.
MD hükümet başı Vasile Tofan nışannadı, ani küçük hem orta biznesi desteklemäk o devletin baş daavaların arasında bulunȇr. Çünkü bu kurumnar ilerleyeräk taa büük olȇrlar.
VASİLE TOFAN MD Premyer-ministrusu
“Bu önemni soruş, çünkü herbir iş küçük kurumnardan başlȇȇr. Onuştan biz isteeriz onnar taa büük olsunnar, bu iş için dä destekleyecez”.
Bu kurumnarın ilerlemesinä engel edän faktorların birisi-bürokratiya, raporlar, dokumentlär hem kontrollär sayısı pek çok vakıt alış-verişçilerdän alȇr, nışannadı V.Tofan.
VASİLE TOFAN MD Premyer-ministrusu
“Sayȇrım, ani devlet kurumnarın yaşamasını kolaylatsın lääzım. Büünkü gündä pek çok reglament, kanon var-hepsi bunnar zorladȇrlar işi. Bän lafederim kimär sıra kurumnarlan, alalım örnek gibi peynir yapan kurumu. Onnar annadȇrlar, ani birkaç ton peynir yapȇrlar, ama her gün tepäylan dokument lääzım hazırlasınnar. Sayȇrım, ani küçük kurumnarda yok vakıt bu uura harcamaa”.
Vasile Tofan nışannadı, ani devlet uurundan gelän administrativ sorumnukları küçük hem orta kurumnar için lääzım azalsınnar. Bu verecek kolaylık alış-verişçilerä kuvedini mal yapması uuruna dorutmaa.
“Onnar lääzım bütün kuvedini dorutsunnar mal yapmasına , diil bürokratiya soruşlarına. Bizdä pek çok kontrol organnarı var. Yavaş-yavaş biz bürokratiya soruşlarını azaldalım lääzım, çünkü onnar büük ük olȇrlar”.
Taa bir önemni soruş, angısı lääzım desteklesin kurumnarı o infläţiyayı esba alarak , uygun kreditleri vermäk.
“Taa bir önemni iş küçük kurumnara deyni bu zor vakıtta o kreditlerin uygun koşulları. Şindi infläţiya büüdü. Bununnan bilä kreditlerin proţentleri dä zeedelenerlär. Bu durumda önemni kullanmaa bölä programaları nıcä “3 7 3”. Bilersiniz, ani bu programa pek uygun, burada veriler 3% -lik kredit başka devletin parasınınnan, 7-% -lik tä leylän. Onuştan bölä programaları ileri dooru da geliştirecez ”.
Vasile Tofan açıkladı, ani hükümet neetlener ilerletmää mehanizmaları, angıları küçük hem orta biznesä ayaa kalkmaa yardımcı olaceklar.