Devlet ötää dooru da destekleyecek lääzımnı uzmannar hazırlamasını universitetlerdä. MD Hükümet oturuşu süresindä bakıldı soruş, angısı baalıydı bu yılkı abiturientlerä universitetlerdä bücet üürenmäk erlerin vermesininnän.
Kısa zamanda MD universitetleri herbir zanaatta üürenmäk koşullarını açıklayaceklar hem abiturientleri kabletmää başlayaceklar.
Hükümet oturuşu süresindä ministru teklif etti “Üüreneriz Moldovada” kampaniyasını desteklemää. Onun süresindä hükümet devlettä üürenmäk için kolaylıkları verer, nışannadı ministru.
En çok bücet eri 20% pedagogika zanaatları uuruna verilecek. Hep ölä zeedelendilär bücet erleri biologiya, himiya, injineriya uurlarında. Bundan kaarä bu yıl seftä bücet erleri verileceklär maasuz kolaylıklı studentlerin onlayn üürenmesinä. Magistratura uurunda bucettä üürenmäk için 7 natadan kabletmää başlayaceklar. Bu yıl MD 2026-2027-ci üürenmäk yılına abiturientleri 15 universitet kabledecek.