M.Çakir adına koledjında da eni üüretim yılı çeketti yortulu olayından. Studentlär, üüredicilär hem üüretim merkezin administraţiyası toplandılar barabar deyni açmaa üüretim yılın eni sayfasını.Taa derindän Z.Efremova.
Sentäbrinin 1-dä M.Çakir adına kolecindä geçti yortulu olay, adalı eni üüretmek yılına.
Bu yıl koledj açtı kapularını 175 eni student için.İlk kursun üürenicileri için bu oldu tanışmak günü başka studentlärlän, üüredicilärlän, üüretim merkezin adetlerinnän. Kolecın başı Mariya Tanasoviç daanıştı studentlerä kultlamak laflarlan.
MARİYA TANASOVİÇ
M.Çakir adına kolecın başı
“Yortumuzu çekettirdik sizdän , paalı ilk kursların üürenicileri.Hoş geldiniz bizim koleca! Sizin yanınızda ikinci hem üçüncü kursların studentleri, onnar şansora bilerlär üüretim merkezin adetlerini, kurallarını. Dördüncü kursun studentleri için bu yıl ayırı olacek, zerä kolecta bitki yılları. Kutlȇrız hepsi studentleri eni üüretmek yıllınnan!”.
Kolecın studentleri kutladılar hepsini eni üüretmek yılın çeketmesinnän.
“İsterim dilemää okulculara hem studentlerä ii başarları, dayanmak hem en ii işleri”.
“İsterim hepsinä dilemää ii üüretmek yılı olsun, dolu ii çıkışlarlan.Saaburluk,dayanmak da olsun üüredicilerdä bu eni üüretmek yılda”.
“Bu eni üüretmek yılda bän umutlanȇrız,ani ii çıkışların olacek. Ani islää hazırlanacam hem bakalavrayı verecam. Hepsi ilk kurların da studentlerinä ii üürenmek dilerin, kolectan kalsınnar en ii duygular hem aklıda tutulsun”.
“Hepsi studentlerä dilerin ii çekettirmää hem başarmaa eni üüretmek yılını, üürenmek kolay hem ilin olsun. Üüredicilerä da saaburluk, pozitiv olsunnar herzaman, sevinsinnär üürenicilerin ii başarlarına, gücenmesinnär bir da zaman. Administraţiya da illeri dooru tuttursun kolecı nicä finans ölä da moral tarafından, bütündän kolecımızı üüretmek proţessindä”.
“Dilerim hepsinä ii başaraları, bu yıl geçsin islää, olasun heps annaşılı hem kolay”.
Yortulu olayda nışannadılar studentleri hem üüredicileri geçmiş yılı ii başarları için. Kedni zaametleri için diplomnarı kablettilär. Yortulu olay birleştirdi studentleri, üüredicileri hem kolecın önderciliini. Eni üürenmek yılına kolec girdi dilemeklärlän ii çıkışlara etişmää, eni açılışlara, meraklı proektlerä hem unudulmaz studentlik yıllara.