İlkyaz «Mȇrţışor» festivalin çerçevesindä Gagauziyada yortulu oluşlar başladılar geçirilmää. Yortulu açılış Komratta mardın 1-dä oldu. On günün içindä avtonomiyada konţertlär , türlü kultura oluşları, tombarlak masalar, sergilär ilkyaz yortusuna adalı geçeceklär.
Вu yıl «Mȇrţışor» millet festivali 60-cı yıldönümünü nışannȇȇr. Gagauziyada o 8-ci kerä geçiriler. Yortu, angısı avtonomiyanın yaşayannarını kultura tradiţiyalarını toplȇȇr korumaa. «𝐌𝐄̂𝐑𝐓̦𝐈̇𝐒̧𝐎𝐑 𝐆𝐀𝐆𝐀𝐔𝐙İ𝐘𝐀𝐃𝐀 – 𝟐𝟎𝟐𝟔» festivalin önemli oluşu mardın 10-da Beşalma küüyündä geçecek. Sţenaya avtonomiyanın anışmış artistleri hem kolektivleri çıkaceklar. Kultura bakanı Marina Semönova belli etti, ani Millet yortunun simvolu bu yıl Valkaneş kadabanın Kultura evinä geçecek.
«Gagauziyada Mȇrţışor – 2026 festivali 2018-ci yıldan geçiriler»,- Marina Semönova belli etti.
Маrina Semönova hep ölü açıkladı, ani Komradın Kultura evindä mardın 6-da klasika — ȇstrada muzıkası avşamı geçecek.
«Кlasika instrumental muzıkası programasını Diksilend, Ȇlegiya hem hor geçireceklär»,- Marina Semönova belli etti.
«Мȇrţışor» yortusunda Gagauziyada erindeki artistlerdän kaarä, Moldovanın artistleri dä pay alaceklar. Коmradım sţenasına «𝐋𝐚̆𝐮𝐭𝐚𝐫𝐢𝐢» Millet orkestrusu yortulu programaylan çıkacek.
Маrina Semönova Gagauziyanın Kultura bakanı: «𝐋𝐚̆𝐮𝐭𝐚𝐫𝐢𝐢» ansamblisi 55 yıl yaşayannarımızı yaradıcılıınnan sevindirer».
Mardın 4 –dü Komradın istoriya-dolay muzeyindä karılara adalı tombarlak masa geçecek, Regional galereyasında İlkyaz sergisi açılacek. Palatul Național sţenasında konţert programasınnan «Каdınca» gagauz oyun hem türkü ansamblisi çıkacek.