Komrat Devlet Universitetindä iki günün süresindä geçti konferenţiya, bölä temaya görä, nicä: «Liderlik akademiyası INSURI – 2025»: «Tehnologiyalar hem dünnä: ţifra instrumentleri soţial birleşmesindä». Toplantıda pay aldılar Niderlan büük elçisi MD Fred Dyuin, KDU hem da ULİM universitelerin studentleri, gençlär Pridnestrovye regionundan.
«Liderlik akademiyası INSURI – 2025»: «Tehnologiyalar hem dünnä: ţifra instrumentleri soţial birleşmesindä» doorudulu ona, nicä kulanmaa ţifra tehnologiyalarını zamandaşta, nışannadı Komrat Devlet Universitetin rektoru Sergey Zahariya: «Biz büün karşı geleriz pek büük problemalarlan, angıları baalı dezinformaţiyaylan, manipuläţiyaylan. Da umutlanȇrım ona, ani bu toplantı verecek kolaylık genç olannara, hazırlanmış ȇkspertlarlan çözmää soruşları, diişmää bilgilärlän hem da fikirlärlän, angıları yardımcı olaceklar, ki biz hazır olalım bu işlerä, bu vakıda».
KDU ȇkonimika fakultetin studenti Mihail Yasibaş çizgiledi, ani hazırlanmış ȇkspertlerin hem da spikerlerin yardımınnan, o kabletti islä bilgileri.
«Sanȇrım, ani bilgilär ileri dooru yardımcı olaceklar bizim studentlerä, bizä, ilerletmää bizim üüsek okulumuzu. Sayȇrım, ani bu ideal bir proekt diil sade bizim studentlerimiz için hem unuversitetimiz için, ama kendimiz için da»,- Mihail Yasibaş çizgiledi.
Poekt giriştiriler sade Moldova devletindä, nışannadı Niderlandı Büük elçisi MD Fred Dyuin: «İlk, ne isteerim sölermää, kutlamaa hepsi gençleri, angıları katılȇrlar bu proekta. Da pek önemni, benim sözüm genç olannara, pek önemni bakmaa deyni bölä tematikaları. Pek önemni, ki gençlär annasınnar, ani tehnologiyalar yardımcı olaceklar onnara cevap etmää türlü çarışlara, angılarınnan büün karşı gelersin bizim cümnedä».
Konferenţiyanın pay alannarı geldilär fikirä, ani Liderlık Akademiyası verer kolaylık çekmää pay alannarı soţial diişmelerin proţesina, kullanıp zamandaş tehnologiyaları, nicä cümnenin ilerlemäk instrumentini.