GHT başın işini götürän Nikolay Ormanji geçirdi brifingı. Baş temasınnan oldu avtonomiyanın kanon organına seçim geçirilmesinnän baalı durum.
GHT başın işini götürän Nikolay Ormanjinın laflarına görä geçän afta Kişnovda geçti buluşmak devlet prezidendinnän, Moldova parlment başınnan hem MSK temsilcielrinnän. Annamalara katıldılar GHT deputatları da.
«Biz baktık durumu angısında bulunerız da hepsi biim yaptıklarımız baalı GHT seçimnerin geçirmesinnän, problemanın bakmasınnan hem kanonda karşı koymaklarınnan, aaradık çıkışı kurulmuş durumdan»,- Nikolay Ormanjinın laflarına görä.
Buluşmanın çıkışlarına görä kabledildi karar kurmaa barabar iş grupasını. Ona gireceklär GHT, Molodva parlamentin hem MSK temsilcielri. İlk oturuş may ayın 4-dä geçecek.
«İşleyecez birzamankı dokumentin hazırlamasında angısının kuvedi olacek sade halk topluşuna seçimenrin geçirilemsindä»,- Nikolay Ormanji söledi.
Hep ölä deputatlar baktılar Üstiţiya ministerliin danışmasını Konstituţiya daavasına. Getirderiz aklınıza, ani mart ayın 9-zunda danıştı Konstituţiya daavasına yalvarmaklan kontrol edilsin birkaç kanon angılar kontrol ederlär Gagauziya ayırı hak statusu için kanonun kimi kararları hem normaları, angılar baalı poliţiya hem seçim kodeksin işinnän. Bu üzerä GHT belli eder dialogun lääzımnıını Komrat hem Kişinöv aralarında.
«Halk Topluşun bakışı- durmaa neettä geçirmää regional seçimneri hem belli etmää seçim gününü», — dedi Ormanji.
Ayırı brifingta laf gitti gelän kampaniyanın açıklıı için. Ormanjinın laflarına görä seçimnär lääzım açık hem korupţiyasız geçsinnär.
«Biz isteeriz açık, sdooru hem demokratiyalı seçimneri»,- nışannadı Nikolay Ormanji.
Halk topluşunda umutlanerlar asni annaşmak proţesi verecek kolaylık gelän vakıtta annaşmaa ses vermäk mehanizma için hem geçirmää eni çaarışın seçimnerini.