Çadırdakı eski internat — okulun yapısı verildi Profesional uçilişesinä. Internat kasabada kapandı 2024-cü yılda. Şindi bu yapılarda uçilişenin studentlerinä yaşamak hem üürenmäk koşulları yapılêrlar.
Profesional uçilişesinä yapılar verildilär o neetlän, ani üürenicilerdä taa zeedä er olsun yaşamaa, söledi obşejitie başı Nadejda Nikolaeva. Burada olacek kolaylık uşaklara kim başka küülerdän gelän gençlerä, kalmaa yaşamaa. Şindi artık hepsi hazır studentlär için.
«Bu ilk katta olaceklar kızlar. Yavaş-yavaş biz açacez ikinci hem üçüncü katı da. Var bizdä burada hepsi, ne lääzım. Dört katlı yapıda şindiki vakıtta yaşêêr 175 uşak»,- Nadejda Nikolaeva söledi.
Hep bu verilän yapıda açıldı eni üüretmäk için laboratoriya – «aşçı hem «aşçı-ofiţiant» zanaatın studentlerinä. Kabinetta var hepsi lääzımnı avadannıklar , ne verecek kolaylık üüretmää studentleri üüsek zamandaş uurda, söledi laboratoriya başı Ülia Orlioglo: «Bizim laboratoriamızda var 16 er studentlär için — grupalar ikiya paylaştırılaceklar. İşleyecez burada «aşçı» hem aşçı –ofiţiant» zanaatını ayıran gençlärlän. Laboratoriyada var hepsi lääzımnı zamandaş avadannıklar. Bu verecek kolaylık üüretmäk proţesini taa üüsek uura kaldırmaa».
Büünkü gündä Çadır profesional uçilişesindä üürener 604 student.