2025 yılın çeketmesindän Modlovanın göllerindä hem derelerindä buuldu 34 kişi, bu sayıda 6 uşak. Gagauziyada bölä olaylar sayıya konulmadılar, ama kurtarıcılar hep dikat durumu gözlederlär.
Yazın, açan insan aarȇr serin erleri, sık giderlär göllerä dinnenmää. Ama Gagauziyada yok su obyektleri ,angılarında bu neetlär için maasuz koşşullar yıkanmak için var. Kurtarıcıların haberlerinä görä, bölä erlerdä sık tragediyalar olȇrlar. Bitki sutkada sadece Moldovada 3 kişi buuldu, o sayıda 2 uşak. Bu korkulu statistika kaldırȇr soruşu angı uurda önemni kurallar tutulȇrlar. Regional Hatalı olaylarında Bakannıın genel ofiţeri Ruslan Mazurenko nışannadı,ani göllerdä uşaklarlan durum dikat gözlediler, ama bu uurda çok dikat lääzım olmaa.
«İlkin karşılȇȇrız uşakları, getireriz evä,ana-bobalarına. Ama şindiki vakıtta göllerdä yıkannan uşakları taa görmedik»,- Ruslan Mazurenko nışannadı
Kurtarıcılar urgulȇȇrlar,ani kär kısa zamanda da bulunmayarak yannaşık uşaklan, var nicä belaya getirsin. Hatalı olayların bakannın uzmananrı hergün, kär dinnenmäk günnerdä da, profilaktika reydları geçirerlär hem instruktajları geçirerlär. Nicä nışannadı kurumun baş ofiţeri Nikolay Nikologlo, izmetin uzmannarı diil sade dinnennän insannarlan lafederlär, ama taa göstererlär, nasıl dooru ilk yardımı yapmaa.
«Biz profilaktika lafetmekleri geçrieriz,ama kimär sıra olȇr, ölä açan çıkȇrız göllerä, neredä kmi olaylar geçirilerlär, var kolayımız göstermää ne var nicä yapmaa ilk yardım için, açan birkimsey buulȇr hem başka»,- nışannadı kurumun baş ofiţeri Nikolay Nikologlo.
Saveliy Çavdar, doktor hem Çadır kasabasının Hızlı Medik yardımın podstanţiyasının başı açıklȇȇr ,ani alkogol suya yakın diil lääzım olsun, haliz açan uşaklar yakında. Lääzım bilmää önemli kuralları nasıl götürmää kendini suda.
«Alkogol içkilerini olmaz kulanmaa, bulunarak yakın suya.Brakmamaa evlad boyları gözletmeksiz»,- Saveliy Çavdar nışannadı.
2025 yılın çeketmesindän Modlovanın göllerindä hem derelerindä buuldu 34 kişi, bu sayıda 6 uşak. Uyulün 25 dünnedä bakılȇr Buulmaklrı durgutmak günü, angısı insannarın dikkatlıını çeker ona, ,ani su, makar ki ömür için önemli, hatalı olaya var nicä getirsin.