Peetçi, yazıcı, üüredici hem Gagauziyanın Bilim-aaraştırma merkezin çalışanı Aleksandra Kristova 65-ci yıldönümünü kutladı. Kongazçık küüyün gimnaziyasında bu dataya adalı yortulu oluş geçti.
Peetçi, yazıcı, üüredici hem Gagauziyanın Bilim-aaraştırma merkezin çalışanı Aleksandra Kristova Kongazçık küüyün gimnaziyasında 40 yıl çalıştı, uşaklara sevgiyi Ana dilinä hem literaturasına terbiederäk. Yortulu oluş küüyün bilinir insanın 65-ci yıldönümünä adandı. Gimnaziyanın başı Elena Statova cannı buluşmaların evlad boylarına deyni önemliini açıkladı.
«Uşaklar üüredicilär aşırı sevgiyi Vatanına, okuluna, analara-bobalara burada edinerlär. Bu paalılıklar insannıı uşaklarımızda büüderlär. Şiirlär aşırı onnar peetçinin yaradıcılıınnan tanışȇrlar»,- Elena Statova açıkladı.
Oluşu bütün okul hazırlandı. Üürenicilär Ana dilindä şiirleri okudular, türküleri çaldılar, yaradıcılık nomerları gösterdilär.
Gagauz dili üüredicisi Stefanida Patraşko çizgiledi nekadar okula deyni önemli Ana dilimizi korutmaa hem ilerletmää.
«Aleksandra Afanasyevna bizim okulun üüredicisi, o da gagauz dilini okudu»,- Stefanida Patraşko çizgiledi.
Küüyün primarı Evgeniy Tukan Aleksandra Kristovanın üüredicilik, peetţilik kaitelerini belli etti.
«Bizim uşaklarımızın var kolaylıkları sizin şiirlerinizi okumaa, sizinnän buluşmaa»,- Evgeniy Tukan belli etti.
Aleksandra Kristovayı yıldönümünnän gimnaziyanın üürenicileri, kolegaları, Üüretim bakannıı kutladılar.
« Sizi duuma gününnän kutlȇȇrız…».
«Alеksandra Afanasyevna, sizä uzun ömür.bekleeriz kiyatlarınızı№ şiirler. Biz onnarı uşaklarlan üüreneriz».
Aleksandra Afanasyevnaya yortu duygulandırdı. Çalışmak okulunda kolegalarınnan hem üürenicilärlän buluşmak şıralı ȇmoţiyaları baaşladı.
«Kollegalarımı, uşakları, dersleri özledim»,- Aleksandra Afanasyevnaya söledi.
Kongazçıın gimnaziyasında yortulu avşam gagauz dilinä, literaturaya hem kultura adetlerinä adalı yortu oldu.