Oktäbrinin 29-da Komratta nışannadılar 102-ci yılını, nicä Türkiye Respublikası kuruldu. Olayı Türkiye Devletin Komratta Genel Konsullu geçirdi. Olay çeketti Turkiye Moldova hem Gagauziya gimnalarından.
Geçti 102 yıl o gündän, açan türk halkın istoriyasında eni sayfa açıldı. Mustafa Kemal Atatürk oldu Türkiye Respublikası ilk Prezidendi. Türkiya Respublika kurulmak gününnän kutladı devletin Prezidenti Recep Tayyip Erdogan. Onun danışmasını yortulu olayda Türkiye Devleti Genel Konsulu Komratta Eda Güç okudu.Türkiye Devleti Genel Konsulu Komratta Eda Çüç şükür etti hepsini katılmak için yortulu olaya.
Eda Güç, Türkiye Devleti Komratta Genel Konsulu: «Cumhurietinin 102 -ci yılını kutluyoruz. Bu sene benim için bu bayramın ayırı bir onemi var. Bän onu Komratta dostlarlan gagauz kardaşlarımızlan birlikte gözäl kutlamayı yaptık. Gagauz kardaşlarımızı çok teşekkür ediyorun, vatandaşlarımızın hem soydaşlarımızın Cumhuriet bayramı kutlu olsun».
Büün Türkiya soţial ekonomika tarafından en kuvetli devletlerin biri, o yardım eder başka devletlerä ilerlemäk yolunda, Türkiye hem Moldova devletlerin ilişkilerin dostluk köprüsü Gagauziya oldu, çizgiledi Bakannık Komiteti başı ilk yardımcısı İlya Uzun: «102 yıl — bu bir asirdän taa zeedä, nicä Türk Respublikası kuruldu. Hepsi enilikleri Atatürk giriştirdi».
Türkiye devleti Gagauziyaya soţial hem ekonomika, kultura hem üüretim proektlerin yapılmasında herzaman yardım etti, nışannadı İlya Uzun: «Gagauziya bir köprü gibi olȇr. Biz kardaş halkız. Yılların süresindä Türk Respublikası bizä türlü infrastruktura proektlerini giriştirmää yardım etti. İsterim şükür etmää Türkiye Prezidentini Recep Tayıp Erdoganı. İsteerim Türkiye vatandaşlarını kutlamaa bi yortuylan. Ko usluluk olsun dünnedä hem Türkiye ilerlesin».
Olayda, angısı adalı Turkiye Respublikasının 102-ci yıldönümünä iki uçak biletin lotereyası yapıldı. Bundan sora musaafirlär daadabildilär türk imeklerini.