Gagauziyanın Baş kasabasında sıradakı sefer suyu kapadılar. Neylän baalı üürendi Polina Barbova.
Komrat kasabasının yaşayannarı genä karşı geldilär problemaylan, angısı baalı suyun durgutmasınnan. «SU – КANAL» muniţipiya kurumun öndercisinin yardımcısı Viktor Panaitov annattı, ne sebepä görä suyu durguttullar.
«Çok — Maydan küüyündä nasoslarda, angıları suyu çekerlär, durgundular. Bunun için suyu kapadık, problemayı çözdük. Doldurȇrız rezervuarları, da üülendän sora verecez suyu kasabaya. Ama, nicä işleyecek, biz bilmeeriz, kontrol ederiz, var nasıl ölä olsun, ani yarına da suyu durgudacez»,- Viktor Panaitov annattı.
Komrat kasabasının yaşayannarı annattılar, nicä onnar zorlukları aykırlȇȇrlar, ozaman, açan suyu kasabada gurgudȇrlar.
«Biz su satın alȇrız şişelerdä. Bu taa paalı, ama başka çıkış yok».
«Evdä var pınar, doldurȇrız suylan kapları, da bölä».
«Bän yalnız yaşȇȇrım, bunun için diil zor».
«Onnar lääzım öncä haberlesinnär, ani suyu kapaceklar, ki biz kapları suylan doldurmaa».
«Bendä var toplu suylan kaplar».
Komrat kasabasının yaşayannarı umutlanȇrlar, ani «SU – КANAL» munuţipal kurumu tezlä vakıtlarda kolverecek suyu.