İniţiativalar çiftçilik panayırın düzülmesindä, angısı girer regional ilerlemesindä milli  programasına, bakıldılar Komrat muniţipal sovetin sıradakı oturuşunda. Proektlan bakıler kurmaa zamandaş alış -veriş infrastrukturasını  fermerlar için hem küçük yapıcıları için ne yardım edecek agrar sektorun ilerlemesinä hem regionun ekonomika potenţialın kaaviletmesinä.

İlktän alış- veriş obyekti koyuluydu plana erleştirmää Komrat kasabasının merkezindä Galaţana sokaanda, ama o beterä, ani yoktu yakışıklı er bunu yapamadılar. Taa sora istedilär  panayırı erleştirmää Yalpug deresinin boyunda, edinci okula karşı. Muniţipal sovetin bitki oturuşunda genä teklif edildi obyekti Galaţana sokaanda koymaa. Komradınprimarı Sergey Anastasov annattı iniţiativanın maanasını da urguladı onun önemniini.

«Alarak esaba hepsi harçları, erin paası onu geeri çevirärkänä olacek hep ölä nicä harçlar. Bundan kaarä var başka proektlar da  kasabanın türlü rayonnarı için- bitki vakıt geldi çok teklif. Var nasıl panayırı diiştirmää merkezä yakın. Eer nasaatçıların taa çoyu bu variantı tutturacek proţedura çekedecek da biz yaklaşacez er almasınnan baalı soruşa. Laf gider  sade o harçlar için angıları gittilär kiraya topraa getirmekelerä hem başka işlerä kalannan  biz kayıl olerız. Makar ki da soruş bakılardı bıldır türlü sebeplerä görä proekt ozaman başarlanmadı da buldular eri edinci okuluna karşı. Ama çoyun aklına geldi ani taa islää ayırmaa eri angısı merkezä yakın buluner»,- Sergey Anastasov annattı.

 Açıklarkana soruşu geçirmää çiftçilik panayırın  düzülmesini  başka erä nasaatçılar kendi bakışlarını açıkladılar. Kimilär bakardılar finans zorluklara hem eni proektin lääızmnıına, kimileri sa  erin yakışıklıına hem transport gezmesinä hem erin hazırlamasına kullanmaya.

«Bizdä şansor vardı  proekt da geçän oturuşta bakılardı başka er. Bän isteerim bir annamaa işletirlenecek mi  eni proekt hem nicä bu bücettä gösterilecek. Elbetki, almaa eri onun paasına görä islää olasa o taa yakın yada taa uzak. Ama soruş başka iştä- geçän oturuştas biz kablettik kararı da şindi neetleneriz diiştirmää eri?»

«Bu taa yakın, bakarak ona eer o Yalpug boyunda olarsaydı. Var nasıl sölemää ani burada taa yakın hem yakışıklı insan için olacek».

«Bu er taa yakışıklı. Kasabamız diil büük hepsi buluner yakışn meydana hem merkezä. Burada var nasıl marşrut avtobusların gezmesini. İlkyaz gelmesinnän  peydalanerlar eni satmak erlär angıların arasında karpuzzların hem rasadaların satılmasında.  Şansora var yapılar da biz var nasıl verelim kararları alış- veriş yapılması için bu erlerdä ki meydan boş olsun. Er şansora hazır».

«En önemni soruş var mı nasıl proektä bölä diişilmekelri giriştirmää?»

 Hepsi daartışmakalrdan sora soruş ses vermeya çıkarıldı. 20 nasaatçıdan 10 kişi kayıl oldu, on kişi kayıl olmadı, üç kişi da ses vermektän atıldılar. Teklif toplamadı lääzımnı sesleri, bunun için Galaţana sokaanda çiftçilik panayırın düzülmesindä proekti bu oturuşta kabledilmedi.