Nezamansa çobancılık zanaatı Komrat kasabası çoyu aylelerinin önemni bir payıydı. İlkyazdan güz zamanınadan kırlarda traka sesi işidilärdi, çobancılık sa saygılı bir zanaattı. Büün bu zanaat yavaş-yavaş azalȇr, kalarak sade kimi çorbacılarda. Ama çobancılık zanaatını hem adetlerini tutȇrlar aklılarında onnar, kimin küçüklüü hem gençlii nezamansa baalıymış koyun büütmesininnän.
Korat kasabasının yaşayanı Mariya Arnaut büük sevgiylän bobasını aklısına getirer, angısı 70-ci yıllarda kasabanın anılmış çobancıları sayısında bulunarmış. Komratta ona Vasi Hamutçu olarak danışarmışlar. Mariya Vasilyevna annadȇr, ani bobasına deyni çobancilik diil sade bir zanaat, ama yaşamak maanasıymışl, angısı ayleleri hem Bucakta yaşayan halkları birleştirärmiş.