Kolada yortusunu moldovada  adetça  nışannerlar ayleylän,  hem hazırlanerlar ona ilerdän. Çoyuna deyni  bu adetlerin korunması , angılrını  vererlär dedelerdän eni evlat boyalarına. Bizim korespondent  Zinaida Kanţır  üürendi avtonomiyanın yaşayannarından  nekadar onnar, harcadılar  imek mallarına kolada sofrasına deyni hem nesoy adtleri koruyerlar onnar.

Yaşayannarın laflarına görä  Kolada sofrasında ilk lääzım olsun  sarma, paça, pişirilmiş domuz yaanısı yada tauk, ev sucukları hem başka. Yortu geçmeer adetça  plasentadan, döşemedän hem tatlı ruletlardan. Ki hazırlamaa deyni hepsi bu imekleri, çorbaciyaklar hem çorbacılar giderlär panayıra yada tükennara.  Taa çok alȇrlar   yahnı, yımırta, maasul hem zarzavatlan, meyva. Bu yıl insannar nışannȇrlar, ani en az sıra gelecek harcamaa masaya 700 ley. 

«Adetça  imekleri yapaciiz, sarma pişireciiz, paça,hem başka imekleri.Bilmerim pek paalı. Neçinki paalar pe üüsek. Aylä büük, amma buna bakmadaan ani paalar üüsek adetleri bekerız. Göstermää gençlerä nicä biz ileri yaşardık».

«Adetleri bakȇrız büün uşaklar kolada gezeceklär, biz onnarı karşılayacez,  bakmadaan hepsi zorliklara onnarı kabledeciiz. En ilin hazırlanacez, kartofi. Paça , katleti yapaceenız mı? Yоk yaparsak ayın bitkisinä neylän yaşayacez».

«Paça,  sütleş yapaciiz. Sarma».

«Savaşacez, ki  gözäl olsun, tatlı imekleri  yapmaa. Yapȇrız kaurma, paça, türlü imeklär, balık hem başka.Paalar üüsek,yok ne söliim,   bin- üç bin harcerız. Nicä kaldı dedelerimizdän,  da ileri dooruda bu olsun. Kutlȇrım hepsimi  bu yortuylan, saalık kısmet hepsinä».

«İmek mallarını aldık, sucuk, başka işleri. Başka bişey. 3-4 bin  harcadık. Paalıca. Uşaklar sevinerlär, ani kolada geler. Yortuylan hepsini kutlȇrım».

«Pek sevineriz bu günä. Hazırlȇrız  salata,  bu adetlär taa eski zamanlardan kaldılar. Hepsinä saalık, kısmet hem usluluk».

«Yakın 700 ley harcadık, paça yaptık hem başka imeklär».

«Koladaya karım hazırlȇr imekleri, bän hazırlamȇȇrım,  biz kendimiz moral tarafından hazırız.Çorba yapaceez, sevän  imeemiz, pişirilmiş tauk.Kimär keret olivye yaperlar. Adetleri lääzım bakmaa, ki unutmamaa, onnarı, ki kaldılar dedelerdän».

«Kim tutȇr oruç, annara deyni  yortu, eni yılı karşılamȇrız,koladaya  hazırlanȇrız. Sarma paça, kaurma, hepsi kendimizdän, satın almȇȇrım. Buna eter bana. Soram  eni yıla eskiycesına musaafırleri kumileri kabledeciiz». 

«Hazırlanȇrız nicä hepsi,  bizdä da, bän te taa alȇrım imek mallarını. Karım  uşaklarlan evdä imää yaperlar. İlk yapȇrız paça yapȇrız,  dolma biber, yada sarma,  kabledeciiz  koladıcıları.  ölä bizdä kaldı taa bobalardan. Ölä lääzım olsun,  tokat lääzım olsun açık. Kablederiz hepsini bütün ürektän. Ko bu yortu getisnin uygunnuk, kısmet hem sakık”.İlk yapacez  paça,  bu bizim imemiz,  da bekleriz uşakları, sevimeliklän, lääzım bakmaa bizim adetleri. Bu pek gözäl yortu.  diil lääzım onnarı unutmaa. Onnar kaldılar bizä bizim  dedelerdän Uşaklar şimdi sevinerlär».

«Bu yıladan her yıl gezdim kolada, biz candan sevineriz bu yortuya, açan biz  gezeriz kolada, kimä gireriz hepsi seviner».

Bir kila  domuz yaanısını yada ev kuşlarından varnicä panayırda  satın almaa 90- 150 leyadan.  Paalılandılar  35-40 leyadan.  Harcamakların bir payı gider   zarzavatların hem meyvaların satın almasına. Yaanıyı satannar   sölerlär, ani paalar kaldılar hep o uurda, nicä da geçän yıl.

«Eni yıla 1,5 bin gitti,mandarinı, apelsinı,  hepsi bunnar.lokmam var kendimin. Koladay taa bütündän hazırlanmadım, amma 500 ley büün harcadım. Büün uşaklar, gezeceklär, onnar bunu benerlär,  amma onnar taa çok beklerlär para, nekadar kolaç».

«Sarma yapacez hem düşünerim, balktan nesa yapmaa». 

Ekspertin Väçeslav İoniţȇnın  sayılarına görä, yortuya deyni bir ayleyä lääzım olacek harcasın yakın 7 bin ley, ne kuracek  bir aylık  kazanç parasının 40-60 proţendı. Bakarak ona ani çok yortu var bu aylar, bütündän harcamalar  taa zeedä olaceklar, nekadar insan kazanȇr, ne getirecek baskıya finans tarafıdan urguladı ekspert: «Korku var, ani yortuda  olacek boş sofra   getirer ona, ani aylelär hazırlȇȇrlar 150 proţendä taa zeedä, nekadar lääzım. Yortular, angıları lääzım getirsinnär sevgi hem şennik, getirerlär stresa aylelerdä” nışannadı ekspert». 

 Bakmadaan üüsek paalara, sölerlär insannar, kolada sofrasında arrtırmȇȇrlar. Çoyuna deyni  önemni , ki bir masada toplansın bütün aylä, çoyu açer oorucunu, imeklärda  getirsinnär aklına evi hem küçüklüünü.