Kış zamandan sora Dezgincä küüyundä yollar kötü halda. Yaamurlardan sora hem temperaturaların diişmesindän, peydalandılar kuyular, ne zorladȇr durumu. Ama,erindeki kuvetlär savaşȇrlar diiştirmää durumu.
Dezgincä küüyün yaşayannarı nışannȇȇrlar,ani hergün karşılaşȇrlar zorluklarlan yol gezmesindä.Onnarın laflarına görä, kötü yolların beterinä transport kolaylıkları bozulȇrlar hem getirerlär korkunçlu olaylara.
«Biraz yan bakȇrım,zerä kuyular çok açıldı.Tıkadıydılar,enidän yapmaa yapmȇȇrlar.Hepsi şoferlar benmeerlär».
«Bän çıkmȇȇrım taa ötää, avtobusta gezemerim.Nesoy bizdä yollar.Yok nereyi taa».
«Yollar bozulȇr, greyder gezer, düzelder – ii toprak yollar.Ama ölä alsfalt bozulȇr merkez sokakta».
Durum kalȇr erindeki kuvetlerin gözletmesindä. Dezgincä küüyün primarı Vasiliy Kapsamun haberledi, ani çekettilär işlär yol infrastrukturasının illerletmesindä.Giderlär işlär toprak yolların düzletmesindä, plana koyulu kimi yollarda kuyuları da kapamaa.
«Biz yazdık kiyatları ,orta yolu yapsınnar deyni, kapasınnar kuyu, küüyä gireräk pek kötü oldu. İnanȇrız,ani bu uurda çalışaceklar birkaç aftanın içindä.Söledilär,ani çekedeceklär kapamaa kuyuları»,- Kapsamun haberledi.
Primariyada nışannȇȇrlar,ani ileri dooru da çalışaceklar yolları düzmää, yapmaa deyni yol gezmesini koruntulu hem uygun yaşayannar için.