Komratta geçti «Освобожденный Комрат» kiyadın prezentaţiyası, onun avtoru Valeriy Kıssa. Kiyatta toplu arhiv materiallar, veterananrın aklıya getirmekleri, yaşayannarın annatmakları, agıları martur oldular İkinci Dünnä Cengindä olaylara.
«Serbestlenmiş Komrat» kiyadı,angısında var 90 zeedä sayfa, yazdı Valeriy Kıssa, angısını o yazdı bir yılın içindä. O annadȇr Komradın serbestlemesi için, askercilär için,angıaları gömülü İkinci Vatan Cengin anıt erindä, hem koruyȇr insannarın diri istoriyalarını,angıları geçirdilär aar ceng vakıdını, nışannadı avtor.
«Materialların toplamasında yardımcı oldu Gagauziyanın şannı jurnalisti Anna Jekova.O çoktan istärdi, ki arhivlär,angılarını o topladı, cümneya açılsınnar.İstoriya hronikasının o çok yılın süresindä topladı»,- Valeriy Kıssa annadȇr.
«Benim aaraştırmak işim Komradın serbestlemesi için 20 yıldan zeedä sürttü. Ama, şindi da toplȇrım,da genä içimdän geçirerim. 50 zeedä yıl geeri ilk buluşmak olduydu.Alıp patredi, kahramanın adını soyadını bilerim»,- Anna Jekova Gagauziya Şannı jurnalisti annadȇr.
Yardım etti taa kiyadın hazırlamasında Vasilisa Pometkova, Komrat muniţipiyasının uşak bibliotekasının başı, angısı paylaştı paasız materiallarlan.
«Şükürlük Valeriya, ani alındı istoriyadan. Mutluyduk yardım etmää materiallarlan. Bulduk bizdä materialı.Açan taa o zamanda çalışarmış biblioteka,aaraştırmöakları geçirmişlär, toplamışlar albom. Da kimi patretlärlän paylaştık. Yardım etmää illeri dooru da hazırız hepsinä,kimää lääzım»,- Vasilisa Pometkova nışannadı.
Ofiţial prezentaţiyada pay aldılar erindeki kuvetlerin temsiclileri. Georgiy Vlah urguladı,ani kiyat çok unikal.
«İsteerim şükür etmää hepsini, kim pay aldı kiyadın hazırlanmasında, hepsinä kim yardım etti Valeriya – Bilim aaraştırmak merkezinä, Anna Nikolaevnaya,bibliotekaya, şükürlük ,ani koruyȇrlar istoriyayı Komradın bir kısa zamanı için, olaylar hem burada yaşayan insannarın ecelleri için haberleri»,- Georgiy Vlah urguladı.
Komradın primarın yardımcısı Stepan Kara urguladı,ani kiyat olacek faydalI evlad boyların terbi ertmesindä. Prezentaţiyanın pay alannarı üüsek notaladılar zaametleri kiyadın kurmasında hem tiparlamasında. Avtor taa umutlandı,ani o olacek önemli adım gibi istoriya koorumasında.