Liţeylerin 10–12-ci klaslara deyni kış sesiyası başladı. Dekabrinin 8-19-dan liţeyistlär testleri maasuz predmetlerdä, angılarını koyȇr Üüretim ministerlii hem bir da test liţeyistlän seçildii predmettä.

Real, gumanitar, sport зrofillerindä üürenän liţey klasları kış sesiyasında testleri yazȇlar. Zaçotlar maasuz üürenmäk disţiplinalarda geçerlär.  

«Bän bu yıl bitki kış sesiyasını vererim. Predmetlär – istoriya, rumın dili hem seçildi predmet. Bän himiyayı ayırdım, kalanı klasımdan geografiyayı ayırdılar».

«Вu yıl bän seftä kış sesiyasını vererim. Benim klasım seçti gagauz dili predmetini, ama mutlaka iki predmeti – rumın dilini hem istoriyayı hepsicii».

Testin yapmasına iki  saat veriler. İşlär o günün bakılaceklar. Çıkışlara görä, üüredicilär bileceklär, angı predmetlerdä hem nesoy temalarlan lääzım işlemää hem kaaviletmää, söledi Çöşmäküü liţeyin başın yardımcısı Alöna Gaydarlı: «Kış sesiyası üürenicilerin var olan bilgilerini açıklȇȇr hem gösterer, ne uurda onnarlan lääzım taa üüredicilär işlesinnär».

10  hem 11 klaslara deyni yaz sesiyası hederlez ayın 11 — 22 –dän geçecek.