Kırlannar küüyündä büük dikkatlıklan dedelerdän kalma adetleri koruyȇrlar. Orak ayın 12-dä küüyün kurban yortusunda, yaşayannar hem musaafirlär at yarışmaklarına toplanaceklar. Bu olay seviler yaşayannarlan hem halk adetlerinin korumasında önemni eri karlȇȇr.
Birkaç yıl geeri, evelki adeti- At yarışmaklarını, enidän üzä çıkarmaa hem geçirmää alındılar Vasiliy Tatar hem Mihail Karaseni. Onnar alındılar bu adeti enidän yaşayannara göstermää hem evladların meraklıını ona terbietmää.
Yortuyu geçerennerin laflarına görä, Kırlannar küüyü at yarışmaklarının deerin istoriya kökleri var. Nezamansa onnar küüydä dayma geçirilärdilär, ama bir parça vakıt udulduydular. Büün ama onnar enidän meraklı herbirinä deyni. Bu yıl onnarda pay alaceklar 30 beygirdän zeedä. Yarışmaklara hazırlanmak vakıdı uzun sürer. Yarışmaklar yolunu lääzım hazırlamaa, musaafirleri teklif etmää, siyredicilerin hem pay alannarının korkunçsuzluu soruşlarını açıklamaa. Tatar Vasiliyä hem Karaseni Mihaila deyni beygirlär-diil sade sevgili zanaat, ama yaşamanın maanası, angısı koruyȇr dedelerdän kalma adetleri hem evladlarlan onnarı baalȇr.
Orak ayan 12-dä Kırlnnar küüyün kurban yortusuna katılannarı bekleerlär meraklı at yarışmakları. Yortuyu hazırlayannar teklif ederlär musaafirleri katılsınnar yortuya, desteklesinnär pay alannarı, angılarının yardımınnan at yarışmakları korunȇrlar hem ilerleerlär.