KDU-di halklararası akademiya baalantılarını ilerleder. Devlet hem Türkiye universitetlerin üüredicileri hem studentleri arası diişmäk programanın çerçevesindä, Gagauziyada bilim çalışmaları gagauz kulturasının, istoriyasının hem dilin aaraştırmakları geçerlär. Butakım pay alannarın birisi – Türkiye Akdeniz Universitetin Üüretim görevlisi Füsun Arıcı, onun aaraştırmaları doorudulu dillerin hem kulturaların baalantılarına. Hep ölä aprel ayında KDU-di Türkiye Aksaray Universitetindän doktor stajını üüretim uurunda yapannarı kableder.
KDU-dä halklararası bilimcilik baalantıları ilerleerlär. Türkiye hem Gagauziya universitetlerin aralarında studentlärlän hem üüredicilärlän diişmäk programasına görä, Akdeniz Universitetindän avtonomiyamızda doktora staj için Füsun Arıcı bulunȇr: «Buraya gagauz halkın kulturasınnan, dilinnän tanışmaa».
Avtonomiyada bulunarak Füsun Arıcı iki afta içindä gagauz aylesindä yaşadı. Bu arada o Paskellä yortusun kutlamasına martur oldu.
«Paskellä yortusunadan aylelerdä paskaları çekettilär pişirmää, hazırlıkları yapmaa»,- ekledi o.
Staj programası KDU-in hem Türkiye universitetlerin ararlarında akademiya uurunda çalştırılȇr. Rektorun Sergey Zahariyanın laflarına görä, butakım proektlär erindeki hem bilim baalantıları aaraştırmakların uurunda önemli rolü oynȇȇrlar.
«Bizä deyni önemli baalantılar universitetlär arası kaavileşsinnär. Önemli bilimcilik başarlarını getirelim. Butakım proektlerdä pay almak için lääzım tek temaları önceliklän bulmaa. KDU hem Türkiye universitetlerini ani bizdä var kaavi bilimcilik platforması. İnanȇrım ani birliktä taa büük başarlara etişecez»,- nışannadı Zahariya.
KDU-dä aprel ayında doktora stajını Türkiye devleti Aksaray Universiteti doktorantı Önder Karataş hem türk dili hem literaturası asperantı Tayibe Karataş geçerlär.
«Aprelin 13 — 29 burada stajı yapȇrız».
«Gagauz halkı kendi dilini hem istoriyasını korumuş».
KDU-di Türkiye devletin 48 universitetinnän baalantıları ilerleder. Bu verer kolaylıı iki taraflı proektleri gerçeklemää hem iki devlettä kabledilän diplomnu uzmannarı hazırlamaa. Bitki iki yılın içindä 70 studenttän hem üüredicidän zeedä Erasmus+ hem başka programalarına katıldılar.