Komrat devlet universitetindä grek dili hem kultura merkezi açıldı. Yortulu toplantıda bulundu Greţiya devletin büyükelçisi Moldova devletindä Nikolaos Krikos.
Grek dili hem kultura merkezindä plannanȇr koyulsunnar türlü lääzımnı tertiplär. İlk tranş, sayıda 7 bin evrodan zeedä geçirilecek yılın bitksinädän, satın almak için hepsi lääzımnı tedarıkları, çizgiledi Komrat devlet universitetin rektoru Sergey Zahariya: «Taa ileri grek merkezi çalışardı Komrat devlet universitetindä, ama kimi sebeplerä görä iş durguduldu, yok ileri dooru finaslamak. Bunadan yoktu MD Greţiyanın büyükelçisi da. Biz şindi büyükelçisinnän kablettik karar, ani ilk tranş dekabr bitkisinädän geçirilecek sayıda 7 bin 700 euro. Biz plannȇȇrız bu merkezdä grek dili üürenmesini, kurȇrız annaşmaları Greţiya devletin başka universitetlerinnän, barabar üüretmäk programalarını, yaz okulları».
Greţiya devletin ilk Büükelçisi Moldovada Nikolaos Krikos üçüncü bulunmasında Gagauziyada nışannadı, ani pek seviner bulunma gerk merkezin açılışlında.
«Bän pek sevinerim olmaa deyni Greţiya devletin ilk Büükelçisi Moldovada, bu käämil memlekettä. Bän geldim burayı açık üüreklän hem da düşünmeklerimnän»,- Nikolaos Krikos nışannadı.
KDU grek dili üüredicisi Niki Papdopolou şükür etti Gagauziyanın tek üüsek okulun rektorunu çok yılın süresindä çalışması için KDU, hep ölä Greţiya devletin ilk Büükelçisini Moldovada grek dilin üürenmesinin ilerlemesi için avtonomiyamızda.
«Büünkü gün bizä söleer diil sade Greţiya devletin ilk Büükelçisinin gelmesi için Moldova devletinä, ama gösterdi bizä, ani biz barabar var nasıl çok işlär yapalım»,- Niki Papdopolou şükür etti.
Grek kulturanın ilerlemesinin önemni için annattı Komrat kasabasının primarı Sergey Anastasov: «Biz diil lääzım unudalım kendi köklerimiz için. Greţiya — bu bizim köklerimiz. Pek önemni olay, angısı büün burada geçti».
Komrat devlet universitetin hem da pedagocik koledjın stidentleri çizgiledilär, ani neetlenerlär bu merkezä gezmää.
«Çok dil bilmää deyni — bu her zaman islä, açan adam biler birkaç dil. Bu herzaman faydalı hem da lääzımnı olacek yaşamakta. Bu grek merkezin açılışı söleer bizä onu, ani KDU hazır sıkı balantıları tutmaa MD çoyu büük elçilerinnän».
«Çok dillerin bilmeleri vererlär bizä kolaylık lafetmää başka insannarlan, türlü kulturaların insanarınnan, bundan karä, zeedeletmää deyni kendi sözlüünü».
«Bän sayȇrım, ani bu pek önemni, neçinki biz zenginnederiz diil sade Greţiya kultutasını, ama Moldova devletin yaşayannarı da üüreneceklär grek dilini, onnarın olacek kolaylıkları Greţiya memleketinä gitmää».
Avtonomiyanın üüsek okulunda çalışȇr 15 zeedä merkez. KDU rektoru Sergey Zahariya çizgiledi, ani bakarak buna, regionun tek üüsek okulu çıkȇr halklararası uuruna.