Komrat kasabasşnda açik şaşki –şahmatı turniri geçtı.Yakın 100 sportsmem Moldova devletin küüylerindän hem kasabalarından geldilär.
Şaşki –şahmatı turniri Kasım yortusuna adalı,geçti A hem B kategoriyalarında, söledi Komrat sport okulun treneri Andrey Dimitroglo: «Büünkü turnir reyting yarışması .Turnirin çıkışları Halkar arası Şaşki –şahmatı federaţiasına gider. Tezlä olacek Moldova çempionnarı,ondan sora uşaklar Evropa hem dünnä çempionatlarına giderlär. Çalışȇrlar uşaklar».
«Bän sevinerim,ani bukadar uşak geler, isteerim turnir gözäl geçsin, da bizä taa çok insan gelsin.Herbir turnirdän taa zeydä insan katılȇr bu oyunnara».
Komrada gelerlär uşaklar üürenmää oynamaa kaavi soperniklärlän.Dariya Velikoglo hem Anna Slavova 3 yıl sıravardı şaşki –şahmatı sport okuluna gezerlär.
«Bendä kolaylık var çoyu çempionatlarında üüsek ödülleri kazanma.Bän isteerim dünnä çempionatına etişim».
«Bän Gagauziya çempionuyum.İsteerim Moldova çempionu olayım».
Vadim Tarlev nışannȇȇr,ani «şaşki –şahmatı oyunnarı yardım ederlär okulda çoyu predmetleri üürenmää- matematikayı,fizikayi,informatikayi. Düş güderim Moldova çempionu olım».
Svätoslav Tiraspol kasabasından turnirä ikinci sefer geler
«Düşünerim,ki bu sefer ilk razrädı kabledecäm,da babuma gidecäm»,
«Şahmatı –yaşamamın bir payı»-deer Melanya Zueva.
«Turnir raat geçer.İsteerim ilk eri alayım.Bölä benim neetim».
Alevtina Deli nışannȇȇr,ani turnir geçer üüsek uurda.
«Sanȇrım, ki herkezi becermeklerini gösterecek üüsek uurda»,- Alevtina nışannȇȇr
Moldova Çempionu Anna Kendigelän urgulȇȇr,ani «Sponsorların hem kurucuların yardımınnan turnir gözäl hem üüsek uurda geçiriler.Komrada bütün Moldovanın sportçuları geler».
Yarışmalarda ilk eri Kagul kasabasının sporçuları –Andrian Mokan hem Nikolay Jurkanu aldılar.Anna Slavova,Polina Hudoba, Makar Stançev,Alisa Dimitroglo Komrat kasabasından hep ilk erleri kazandılar. Turnirin tarayıcıları para ödüllerini hem diplomnarı kablettilär.