Her yıl üzlän karı kaarşı gelerlär dertlän, angısından vardı nicä korunmaa — duudurtmak organın rak hastalıı. Bu dert ilerleer belli edilmedän hem Sık onu bulêrlar, açan vakıt azalêr.
Moldovada her yıl 300 olay bu uurda sayıya koyulêr. Bu yakın 1 olay her gün. 150 karıdan zeedä her yıl geçinerlär bu hastalıın beterinä, ani pek geç danışêrlar, dedi doktor-ginekolog Elena Melnik. Bu dertin baş sebepi — insanın papiloma virusu, söledi akuşêr-ginekolog Elena Melnik: «Problema onda, ani karıların çoyu pek geç danışêrlar. Geçti yıl 300 olayadan belli oldu, onnardan yarısı geç geldilär danışmaa, geç stadiyada — açan ilaçlanmak aaz yardım eder».
Ki bu dert ilerlämesin devlettä çalışêr programma -Parasız skrining. Analizlär vererlär kolaylık bulmaa rak hastalıı ilk stadiyalarda.
«Skrining hem Papiloma virusu için analizlär parasız yapılêrlar. Karılar sadece lääzım aylä doktoruna danışsınnar, doorutmak listesini almaa deyni. Açan lääzım- kolposkopiya da yapılêr hem ileri dooru gözletmeklär dä»,- akuşêr-ginekolog Elena Melnik söledi.
Taa bir onemni iş profilaktika için — Papiloma virusuna karşı vakţinalar — onnarı yapêrlar nicä kızlara, ölä çocuklara da.
«Usaklara 9 yaşından 14 yaşınadan vakţina koyulêr bir keret hem parasız. 15 yaşından sora iki keret koyulêr. Bu en efektiv korunmak onkologiya hastalıklarından»,- Elena Melnik söledi.
Mediklär urgulêȇrlar — insanın saalıı onnarın ellerindä — açan kişilär vakıtçasına bakılêrlar hem vakţina yapêrlar, ozaman insannarı taa kolay ilaçlamaa.