Hükümetin öndercisi İgor Grosu  inandırȇr, ani GHT-un seçimnerin geçirilmesinnän soruş durguduldu hem bunda avtonomiyanın kuvetleri kabaatlı. Onun laflarına görä, durum regionun Merkez seçim komisiyasın daadılmasından sora peydalandı, angısı kanona karşı oldu hem bütün seçimneri durguttu.   

Devletin kanon organın başı İgor Grosu bildirer, ani var olan soruşu lääzım çözmää, ki Gagauz avtonomiyasının vatandaşları MD kanonuna görä seçimnerä çıkabilsinnär. 

«Blokirovkayı Gagauziyadan kolegalarımız yaptılar hem bu doorusu. Onnar merkez seçim bürosunu ilinnettilär, onnar kablettilär kararı, ani HT iş görevini brakȇrlar da kararları zeedä kabledämeerlär. Onnar hiç annamadılar da, nicä kendileri seçimnerä durguttular»,— söledi Grosu.

«Ürist olarak, söleerim, ani nicä respublika, ölä dä avtonomiya seçimnerini Konstituţiya prinţiplerinä görä seçimneri brakȇr geçirmää.  Da, ayırı düşünmeklär bu uurda  var.  Ama Merkez seçim komisiyanın temsilcileri dä inandırȇrlar, ani bu sade formal durumu»,- Georgiy Leyçu GHT viţe-spikeri söledi.

Parlamentin başı çizgiledi, ani Kişinövun kuvetleri var olan durumunu savaşȇrlar çözmää. Bu çözümä çalışmak grupası da katıldı, angısı Hükümetin hem GHT deputatlarınnan kurulu. 

«Biz lääzım kararı kabledelim hem bölüklän kararı bulalım, ki Gagaguziyanın vatandaşların olsun hakı seçimnerä çıksınnar», —söledi Grosu.

 «Bu duruma cuvaplı yaklaşarsak, ozaman merkezin korkusundan çıkabiliriz. Seçimnär da açık formatta geçeceklär, devletin kanonuna görä»,- Georgiy Leyçu GHT viţe-spikeri söledi.

Kanon organnarın temsilcileri isteerlär, ani avtonomiyada seçimnär MD kanonuna görä geçsin.