Kabledildilär bir vakıda tariflär regulär götürmeklerä nicä dolaydakı hem dolayarası. Karar kabledildi ondan sora nicä diişildi gezmenin saymak metodologiyası angısını taa ileri hükümet kabletti.

Avtomobil transportun milli agenstvosu tiparladı kararı, angısında belli olȇr pasajir götürmeklerin paası. Nicä belli olȇr dokumenttän, tariflär sayılȇrlar alarak esaba herbir kilometrayı da baalı transpordun komfort kategoriyasına. Bölä dolay arası gezmeklär için saymak olacek 90 ban kilometraya ikinci komfort kategoriyadan avtobuslara hem 1 ley 3 ban ilk kategoriya için. Ne baalı dolay marşrutları için burada tarıf biraz taa üüsek- 1 ley iki ban kilometraya ikinci kategoriya için hem 1 ley 15 ban ilk kategoriya için.  Dokumenttä belli olȇr, ani bu tariflär bir zamankı da bakılaceklar her afta, alarak esaba durumu yakacak panayırında. Kararın kuvedi oldu onun imzalamasndan sora mardın 27-sindän. Yaşayannar nışannȇȇrlar, ani taşınmakların paalanması olacek  devlet bücetinäta da   bir ük.

«İnsan diildi hazır bölä paaların kalkmasına. Paalar büüyerlar benzinä, yakacaa. Bän şoferları da annȇȇrım, angıları bölä durumdan çıksınnar lääzım. İcä insan angısı kullanȇr transpordu kasabadan çıkmaa deyni duyerım problemaları. Şindi grafiya görä transport gezmeer, da taa aaz oldu. Bizä da nicä kullanıcıları paa kalkması cöbä urȇr».

«Eer sölärsäydik Kişinöv için yol edärdi  70 ley, şindi 80-85 ley. Yollar angıalrı Komrada yakın küüylerä diil pek kalktılar paada, ama hep okadar cöbä urȇr».

«Ne yapmaa? Şindi hepsinä paalar kalktılar. İsteeriz paalar eski olsunnar ama siz paaları tabloda gördünüz mi?Şoferar ne yapsınnar?Bän onnarı annȇrım , canım acıyȇr onnara. İnsan gider da taa çok harcȇr. Bän gezerim  birinci marşruta. O eder beş ley da avşamnen o boş gezer. Nesoy ona fayda?Eer pensionerlar için sölemää- hiç laf yok. Var nasıl sade canımız acısın».

«Pensionerlar için bu pek prost. Bendä pensiya iki binädän etişmeer. Şoferları da var nasıl annamaa, onar diil kabaatlı».

«Pensionerlara lääızm nesoy sa yardım olsun neçin ki hepsinä bölä paalar diil yakışıklı».

«Biz bir krizistan başkasına düşeriz, da şindiki da angısı var –o yapılmaa ama zeetleneriz biz. Normal devletlerdä hem kasabalarda bölä iş var nicä bir ayılık bilet alması da onu taa uygun kullanmaa. Kimilär gezmekelri aazalderlar da en pek üülen tarafı. Ne bu verecek?  Bilmeerim».

Biz istedik kabletmää komentariyaalrı şoferlardan, ama onnar istämedilär sölemää. Avtomobil transportun milli agenstvosunun haberlerinä görä Moldovada her gün üzlän regulär  pasajir reys yapılȇr, angılar baalȇrlar kasbaları hem küüyüleri bütün devlettä. Kuvetlär urgulerlar, ani  birzamankı tariflär bakılacekalr korumaa deyni balansı  pasajirların taşımasında hem trasnsport kompaniyaların işin aralarında.