Gagauziya kendi talantlı insannarınnan hodullaner, haliz gençlärlan,angıları becermeklerini üüsek Milli urunda götürerlär. Onnarın birisi İvan Gerçu Komtar kasabası muzika okulun başaranı. MD prezidenti orkestrasında işleer. Büük sţenalarda anılmış muzikacılarlan, türkücülärlän, kompozitorlarlan çalıştı. Onnarın arasında Evgeniy Doga, Konstantin Moskoviç, Tamara Gvardţiteli.
Komtar kasabasının muzika okulun başaranı İvan Gerçu Moldova Devleti prezidenti orkestrosunda çalışȇr.Onun yaradıcılık yolu saksafondan başladı. Sevgi bu muzıka instrumentinü daykasından, Gagauziyanın anılmış muzıkacısından Konstantin Ruşıkadan geçti.
«Biz sıkça aylemizlän toplanardık. Bän çok sıra «Düz ava» ansambilinin konţertlerinä gidärdim, neredä Kosti bıdinin avalarını sesleyärdim»,- söledi İvan Gerçu, MD Prezi̇denti̇ orkestrusu muzikacısı, üüredi̇ci̇
İlk adımnarı muzıkacılık uurunda İvan Gerçu okulun orkestrosunda yaptı, angısının başında İvan Mitioglo bulunardı. Haliz burada muzika okulunda üüredicilär onun talantını belli ettilär hem destek oldular.
«Sira vardır bana sölediydilär, ani bän bu zanatı enseyämeyecäm, da az umut, ani bendän muzıkant olacȇk. Ama ana-bobam, üüredicilär Nikolay Stanev, İvan Lülenov inanardılar bana da deyärdilär, ani şindi zor, ama diil lääzım durgunmaa, lääzım çalışmaa da ozaman başarlar belli olaceklar»,- annattı İvan.
Muzika okulundan sora İvan Gerçu Ştefan Nägu adına koledcinda üürendi hem Muzika Akademiyasını başardı. Büün İvan Gerçü MR en ii, een anılmış kolektivindä çalışȇr. O bir sţenada durdu hem oynadı bölä anılmış muzıkacılarlan nicä: Evgeniy Doga hem başkaları.
«İlktän dalgalanardım. Orkestroda herkezi biri-birini bilärdi, ama bän eni bir kişiydim. Orkestronun başı Dumitru Kırçumaru, anılmış dirijör dil sade Moldovada, ama başka devletlerdä dä. Onunnan işlemää kolaydı. İnanılmaz duygular, açan sän bir sţenada büük muzıkantlarlan bulunȇrsın. Hiç unutmayacam o duyguları nicä bir sţenada Evgeniy Dogaylan durardım. Angısı için sade okulda vardır işittim . Ama şindi onunnan yan-yana durȇrım. Bu bam- başka bir duygu», — söledi Gerçu.
İvan Gerçunun biografiyasında yaradıcılık , özel bir sayfa kaplȇȇr -Tamara Gvarţiteli, Konstantin Moskoviç gibi yıldızlarlan bilä Kişinev Arena konţertindä pay almaa.
İvan Gerçü kendi becermeklerininnän genç evlatlarlan paylaşȇr, saksafon muzıkasını uşaklara sevdirer, nicä nezamansa ona üüredicilär ihlam verdilär.