Коmpensaţiyayı 2025-2026 yıllara sıcak zamanda paraylan hem herbir çorbacılaa, kimin var hakı programada pay almaa, bank kartına yollandıraceklar yada poçtada kabledäbileleceklär. Yaşayannar bildirimi compensatii.gov.md platformasında var nicä versinnär noyabri-mart ayları için.
Kararı kompensaţiyaları vermäk için, onun sayısı «Энергетическая уязвимость» haber sistemasında individual sayıklanacek. Kompensaţiya parası evdä yaşayannarın sayısından, dual gazınnan mı, osa yakacaklan mı yısınȇrlar hem başka durumnardan çekiler. Kompensaţiyayı kabledäbilirlär o insannar, kim gazlan, şafklan osa odunnar yısınȇrlar. Vatandaşlar, kiminnän lafedäbildik, söledilär, ani kompensaţiyayı mutlaka kullanaceklar.
«Bän işleerim, mutlaka bu yıl da hakımı kullanacam. Er bu yıl da ölä paalı gaz olarsa, bilmeerim, nicä kışlayacam».
«Allele bildirimi kompensaţiyaya verecez, çünkü gaz pek paalı. Öndercilär lääzım düşünsünnär bukadar üüsek gaz için. Ondan fayda yok ne öndercilää, ne dä insana».
«Bu kompesaţiya mı? Ama ne vererlär, onu da alȇrız».
«Bu diil kompensaţiya?»
Zaamet hem soţial korumak Ministerlii tehnik tarafından programayı inceleer. Noyabr ayında konsultaţiyalar insana deyni geçirileceklär. Sayıya koymak noyabr ayında başlayacek. Geçän sezonda 720 bin aylä yardım kablettilär. Kompensaţiya sayısı 2,69 mlrd. ley kurdu.