Halklararası karıların gününä karşı Komradın S.Topalın adına uşak başçasında «İlkyaz yortusu» geçti. Kurumun öndercilii üüredicilärlän hem terbiedicilärlän birliktä analara-bobalara programayı gösterdilär.
Komradın 9-cu uşak başçanın terbiedenneri türküleri, maanileri çaldılar, oyunnarı oynadılar, sţenkaları gösterdilär. Yortulu programa birkaç dildä gösterildi – gagauz, rumın, rus. «Gelecektän babucuklar» spektaklisi siiredicileri güldürttü. Butakım oluşlar uşak başçasında hayırlı adet gibi oldular, uşaklarda talantları açȇrlar hem analara-bobalara ilkyaz havezini kurȇrlar, söleer hazırlık grupanın üüredicisi Marina Gaydarcı: «Programayı üç dildä gösterdik rumın, gagauz hem rus dillerindä».
S.Topal adına uşak başçanın öndercisi Anna Kroytor yortunun hem üürenmäk proţesin önemliini hepsi pay alannara deyni açıklȇȇr.
«Oluş hepsinä deynisorumnu»,- Anna Kroytor açıklȇȇr.
Uşakların anaları yortu duygularınnan paylaştılar.
«Ürääm duygulandı. Uşaklar hazırlanmışlar, gözäl yortuyu baaşladılar. Bu uşak başçasını pek severim, kolektiv dostlukta çalışȇr. Burayı ikinci uşaamı getirerim. Herbir yortu şıralı hem renkli geçer».
«Hepsi karıları yortuylan kutlȇȇrım. Saalık, evlerindä uygunnuu dileerim».
Kurucuların laflarına görä, yortu unudulmaz duyguları hepsinä baaşladı. İlkyaz zamanı taa bir sebep analara, malilerä, üüredicilerä taa bir kerä şükürlemäk laflarını sölemää oldu.