Çok-Maydan küüyün merkez erindä aleya yapıldı. O tek dinnenmäk eri, neredä insan var nicä aylak vakıdını geçirsin, söleer erindeki kuvetlär.
Çok-Maydan küüyün merkezindä park aleyaylan yapılı. Haşlanılmış fidannar burada kocaman dual erini kaplȇȇrlar. Yaşamak erindä o ilk er, neredä yaşayannar dinnenäbilirlär., açıklȇȇrlar erindeki kuvetlär hem yaşayannar.
«Taa ileri burada çöllüktü, şindi park yaptılar. Gözäl oldu».
«Var neredä küüyün ortasında oturup dinnenmää».
«Gençlär avşamnen burada toplanıp oturȇrlar.
Parkın proekti üç ȇtap geçer. Şindilik bitki işlär uurunda bulunȇr – tezdä dinnenmäk meydanında fontan koyulacek, belli etti Çok-Maydanın primarı Oleg Konstandoglo: «İlk ȇtap 2024-cü yılın bitkisindä çekettirildi. Programaların uurundan 60 bin ley finanslamak oldu, kontribuţiyalar 62 bin ley kurdular».
2025-ci yılda küüyün primariyası var olan proektä taa 200 bin ley böldü, ki parkı doldurtmaa, söledi primar.
«Hep ölä, kontribuţiyalar 50 bin leyä verildilär. «МİG» programasının çerçevesindä 80 bin ley grant olarak verildi hem 60 bin ley erindeki büdjettän verildi»,- ekledi primar.
Proektin çerçevesindä parkta güneştän beslenän şafk direklerdä koyulu, parkta, aleyada gümelär, çiçeklär, fidannar haşlanılı. İnsana deyni skemnelär, gübür bakları koyulu. Yaza kadar parkta fontanı koymaa erindeki kuvetlär neetli koymaa. O da dinnenmäk erin temel ȇlementi olacek.