Bütün devletim okullarında büün yılın çeketmesindä ilk çan urdu. Komratta G.Gaydarjının liţeyi birinci klasslara kabletti 58 üürenici. Nicä geçti büünkü yortulu olay – süjetımızda üürenecez.
Sentäbrinin birindä büün okullarda üüredicilär , üürenicilär hem ana-bobalar birleştilär. Komratta G.Gaydarjının liţeyi da başladı üürenmäk yışı yortulu . Orayı büün 58 üürenici seftä gitti , angılarını bekleer tanışmak şkolaylan , üüredicilärlän hem eni dostlarlan. İleriyä bekleer eni bilgilär hem başarılar, açıkladı liţeyin başı Olga Kara.
OLGA KARA G.Gaydarjının liţeyin başı
«Saygılı musaafirlär hepsini büünkü üürenmäk gününnän kutlȇȇrım. Büün biz bakȇrız liţeyin en önemni tortusunu – ilk çan düümesin gününü. Nekadar çok biz bunu bekledik. Bu yıl bizä eni plannarı, neetleri hem başarları getirsin».
Eni üürenmäk yılınnan birinci klaslarn üürenicilerini, üüredicileri hem Komratın Gavriil Gaydarji adına liţeyin hepsi musaafirlerini Gagauziya Bakannık komiteti başı ilk yardımcısı İlya Uzun da kutladı.
İLYA UZUN Gagauziya Bakannık komiteti başı ilk yardımcısı
« Saygılı üüredicilär , üürenicilär , dileerim sizä kuvet , gözäl notaları , dostları hem ii başarları. Kormayınız koyma büün neetlerini önünüzdä , gidiniz hezaman uz hem dik. Ko eni üürenmäk yılı olsun dolu mutlu kıpımnarnan» .
Komradın primariyası hem nasaat tarafından da üürenicilerä hem üüredicilerä eni üürenmäk yılı için ii dileklär sölenildi. Stepan Mihaylov muniţipal naastçısı açıkladı , ani önümüzdä üürenmäk proţesi hem bütün yılın içindä lääzımnı işlär bekleer.
STEPAN MİHAİLOV muniţipal nasaatçısı
«Çeker dileemää üürenicilerä ii notaları , başarları. Üüredicilerä da dayanmak , şükürlü uşakları hem ilin yılın geçirmesini. Kutlȇȇrım sizi büünkü yortuylan ».
Seftä şkolaya gitmäk dugulu hepsinä deyni geler. Üüredicilär deerlär ki, eni üürenmäk yılını eni neetleri getirer, açıkladı G.Gaydarjının üüredicisi Oksaba Kroytor.
OKSANA KROYTOR G.Gaydarjının üüredicisi
«Büün bän pek duygulanȇrım. Hodullanȇȇrım üürenicilerim için, srvineerim onnarı görmää hem dilerim hepsinä ii başarlar da inanȇrım, ani hepsi bizdä olacek ».
Ayırı emoţiyalarlan hem duygulanmaklan ana-bobalar da paylaşȇrlar.
« Bän büün kendi çocuumnan geldim – Mavrodi Aleksand onun adı. Hodullanȇȇrım , kefim ii , umutlanȇrım, ani uşaamda hepsi olacek hem burada dost kendinä bulacek».
«Büün çok duygulu bir gün – geler ani kendim seftä geldim şkolaya. Dolu ürääm, ani uşaam bu şkolaya gidecek. Biz nicä ana-bobalar elbetki çok mutluyuz».
«Nepotamnan geldim , duygulanȇrım. Dileerim ani ona üürenmäk ilin verilsin».
Kendi uşaklar sa ilk çanı hertürlü duyȇrlar. Kimsä bu gündä taa çok duygulanȇr , birazı da ilerki üürenmäk günnerini bekleer.
«Büün duyȇrım , ani şkolaya geldim».
« Bän geldim sevinmeliklän okula büün , saalıkta hem kevetlän. İsteerim üüredicimä dilemää saalık , mutlu hem paralı olsun»
«Biz aldık satın ilkin canta soran rubaları »
İlk çan şnänsora urdu. Şindi yortulu gün günü yavaş-yavaş sıradan şkola günnerinä dönecek. Gavriil Gaydarji adına liţeyinä 58 birinci klaslara üürenici geldi. Onnarın önünündä ilk notalar, eni bilgilär hem ilk şkola başarları var.