Gagauziyadan iki çempion titulunu hem birkaç priz erlerini kazandılar Moldova Respublikası boks çempionatında 15 yaşına kadar sportçular Gagauziyadan. Çempion olan sportçular milli komandaya girmää hem Evropa çempionatında, Türkiyedä Moldova devletini temsil etmää şans kazandılar. Kim çıktı şannı podiumuna – üürendi bizim korrespondentimiz.
Orak ayın 13-dän -17 dan Orheydä geçti Moldova Devletin 15 yaşına kadar uşaklar arasında boks çempionatı. Ringä çıktı onbeş boks merkezindän 137 sportçu. Birkaç günün içindä genç boksçular milli çempionatın ödülleri için düüştülär hem Moldova milli komandasına girmää deyni savaştılar. Gagauziyanın temsilcileri turnirdä başarılı çıktılar, dedi Komrat Munitipal Sport okulun treneri Valeriy Sırbu.