Gagauziya Bakannık Komitetin oturuşun sırasında, azalar baktılar soruşu, angısı baalı armatayı geçmesinnän genç olannarlan, angıları duudular 1999 — 2000 yıllardan.
Aramayı yapmak için ilkyaz zamanı çekedecek 2026 — ci yılın fevralin 2 — dän iuyülün 31 — dän. Gagauziya Asker merkezin başı Nikolay Pasat haberledi, kim girer armatayı yapmak için komissiyaya.
«Kararlamaa Gagauziya armatayı yapmak için komissiya azalarını — Uzun İlya Semönoviçi, Pasat Nikolay Födoroviçi, Kristiogluyu hem başkalarını »,- Nikolay Pasat haberledi.
Gagauziya Bakannık komitetin başın işini bir vakıda götüreni İlya Uzun meraklandı, nesoy Gagauziya genç olannarın fizik hazırlamaları, uy1rlar mı onnar maasuz kriteriyalara. Neya Gagauziya Asker merkezin başı Nikolay Pasat cuvap etti.
Nikolay Pasat Gagauziya Asker merkezin başı:« Pek islä. Vardı biri Çadır — Lungadan bıldır, siz onu bilersiniz Popazoglo. O en islä askerciydi. Söledim ona, kalsın deyni kontrakta görä, perspektivalıydı, geldi da gitti sınır askerciliinä».
Kendi sırasında Gagauziya Halk Topluşun öndercinin bir vakıda işini götürän Nikolay Ormanji sordu, nekadar genç olan, angıların dumaları 1999 — 2000 yıllardan sırada durȇrlar.
«Uyȇrlar mı hızlı asket bölümünä, hep ölä, nekadar bütünnä Gagauziyada var kişi, angıları kendi bakışlarına görä isteerlär armatayı yapsınnar?»,- Nikolay Ormanji sordu.
«Bizdä her yıl var resurslar. İlkyazın hem da yazın yakın 64 kişi, güz hem da kışın 45 kişi bütünnä Gagauziyada. İsteyennerin sayısı Gagauziyada yakın 20%, alezdän söleerim, nicä var»,- Nikolay Pasat cuvap etti.
Aаramayı yapmak için ilkyaz zamanı çekedecek 2026 — ci yılın fevralin 2 — dän da sürtecek iuyülün 31 — dän.