Gagauziyanın Halk ustacılar birliinä lääzım er, neredä onnar çalışaceklar hem uşakları üüredeceklär. Bu problemaylan GRT cümnä kompaniyasına danıştı ustalar asoţiaţiyası başı N. Kroytor.
Halk ustacıların birliin başı Nikolay Kroytor söledi, ani 8 yılın süresindä onnar bulundular yapıda, angısını verdiydi primariya. Ama sora orasını sportiv okuluna hazırladılar da asoţiaţiya lääzım oldu oradan çıksın.
«Biz işleeriz festival uurlarında, yarmarkalara çıkȇrız, ama bir köşemiz bizdä yok. ..Bän düşünerim, ani bizim hem primariya, hem Halk topluşu bilä toplandıynan, beni çaararsaydılar, bän da gelecäm da biz bekim bir köşä bulacez, neredä üüretmää uşakları. Biz büün pek neetleneriz, umutlanȇrız, ani bizim soruşlarımızı işideceklär, yardım edeceklär, hem ötää dooru biz işleyecez barabar»,- Nikolay Kroytor söledi.
Çadır kasabasının primarı Anatoliy Topal urguladı, ani halk ustaların birlii pek lääzımnı halk yaradıcılıını ilerletmää deyni, onnar fayda getirerlär. Bu soruşlan baalı, Anatoliy Topal söledi, ani bu Gagauziya uurunda cumnä kurumu , onuştan onnara yapı vermaklän baalı soruş lääzım.
«Onnar çalışȇrlar diil sade Çadırda, çalışȇrlar bütün Gagauziyada o iş için bän sayȇrım, ani bunu lääzım çözsün İspolkom hem Halk Topluşu, deyni onnar Gagauziyada çalışȇrlar. Onnar götürerlär kulturamızı, adetlerimizi, o iş için onnara lääzım olsun yardım diil sade primariyadan, ama hem Gagauziyadan. Bu problema var. Şindiya kadar onnar durardılar bizim sport okulumuzda, orada yoktu ne sıcak , ne şafk. Onnarı aradan çıkardık da orada yapacez remont var büük proekt, yapmaa taa çok er neredä çocuklar sport yapaceklar»,- Anatoliy Topal söledi.
Gagauziya halk ustacıların birliindä var 80 ustadan zeedä bütün Moldovadan.