Bu gün iş sırasında Cumnä kompaniyanın kolletivi kutlamakları avtonomiya öndercilerindän, primarlardan, dostlarından,siiredicilerdän kabletti. Väçeslav Dragoy sport hem gençlik bakanı kutlamaklarında nışannadı, ani GRT kanalın jurnalistleri aktiv açıklȇȇrlar spor olaylarını, hem herzaman reportajlarında tutturȇrlar avtonomiyanın sportçularını.
Väçeslav Dragoy sport hem gençlik bakanı: « Sizin kollektivinizdä professional uzmannar çalışȇrlar.Hazırlȇȇrsınız meraklı programaları. Bizim sportçularımız büük havezlän gelerlär sizä,da annadȇrlar başarları için».
Valentina Koroläk GRT CK baş redaktoru: «Şükür ederiz kutlamaklar için ,çünkü çok kritika var, ama ii laflar taa az».
Şükürlük lafları söledi Aleksandr Varban çiftçi bakannıın uzmanı: «En aktiv sizinnän çalışȇrız,umutlanerız ileriya dooru da başarılı işlerimiz olacek».
Zinaida Kanţır CK GRT jurnalisti: «Şükür ederim kollegalarımı hem çiftçi bakannıın uzmannarını barabar çalışmalar için».
Beşalma küüyün primarı Valeriy Moş şükür etti kollektivi çalışmaları için: «Küüyün yaşayannarı mutluluklan siirederlär GRT kanalını ,neredä açıklanȇr avtonomiya yaşayannarın ömürleri».
Jurnalist Mihail Vlah danıştı bu gün GRT kompaniyanın çalışannarına kutlamaklarlan.
«18 yıl GRT deyni diil sıradan bir data, bu eni etap,neredä mutlak professional uuru,saygı siiredicilerä hem sevgi ana topraamıza -Gagaguziyaya açıklanȇr»,- nışannadı Mihail Vlah.