GRT CK sıradakı oturuşunda, angısı geçän cüma günü, fevrali ayın 27-dä geçirildi, bakılmış soruşların aralarında, açıklandı soruş baalı GRT CK başın vakant iş eri için.
İrina Drangoz GRT CK gözledici naasatın başı: «Sıradakı oturuşta 3 soruş bakıldı. Önemni soruştu – GRT CK gözledici naasatın2025-ci yılı için işin bakılması, nedän sora dokument GHT adına yollanacek ki deputatlar onu imzalasınar da Ezpres kanona tiparlanmak için ilerletsinär. Taa bir soruş baalıydı onunnan, ki bıldırkı yıldan Cümnä kompaniyanın başın eri boş bulunȇr, o üzerä gözledici naasatın temsilcileri hepsi normativ bazasını baktırdılar. Şindiki zaman işlettiriler lääzımnı koşullar, angılarına görä geçirilecek yaraşmak GRT CK başın erinä. Dokumentlär taa işlettirlener ki bu yaraşmayi MD kanonnarına bakarak geçirmää. Şindiyädäk biz bütünnä planı kablettiydik, sora kabledecek hepsi lääzımnı kurallar, angılarına görä bu yaraşmak geçecek. İleridooru haberlenecek yaraşmanın geçirilmesi için. Bir ayın süresindä kandidatlardan dokumentlär kabledilecek, bitkidä kandidatlar ayırılacek kim pay alacek yaraşmada, nedän sora maasuz yaraşmak geçirilecek».