GRT CK 18-ci yaşına çok yıllık zaamet, profesionallık hem avtonomiyada yayınnamak için, çalışannar şannı adları hem diplomnarı kablettilär. Onnarı baaşladı GHT hem Bakannık komitedin temsilcileri.
GRT CK yortulu oluşunda Şannı adları açıklaarkana, haklı informaţiyayı siiredicilerä, cümneyä var olan oluşlar, olaylar, insannar için her gün haberleri etiştirerlär, avtonomiyanın öndercilii şükürlemäk laflarınnan, çalışannara danıştı.
İvan Kolioglo, Başkan işleri götürän bakan: «Mas media uurunda çok yıllık zaamet için, profesionallık hem jurnalistikayı, gagauz dilini ilerletmäk için, hem Radio Televizionuna CK statusun 18 yaşı için Gagauziya Radio Televizionu Cümnä Kompaniyası Şannı jurnalisti adını Haber redaktoruna Stavilova Tatyanaya verildi».
Gagauz Televideniyanın hem Radionun yayınnarın hep bir işlemesi için Gagauziya Radio Televizionu Şannı çalışanı adını Cümnä Kompaniyanın baş injeneri Bulgaru Yaroslav kabletti.
İlya Uzun Bakannık komiteti başının ilk yardımcısı: «Gagauziyanın Bakannık komitetin hem Halk Topluşun adından ödüllemäklän sizi kutlȇȇrız, başarları dileeriz. Diplom sizin çalışmanız için».
Gagauz dilin ilerlemesi için özel dikkatlıı bu gündä öndercilär GRT CK jurnalistlerinä dooruttular. Çalışmak yılların içindä gagauz televideniyası hem Radiosu o meydan oldu, neredä cannı gagauz dili öter, neredä programalar hem haberlär halkımızın millet varlıı açıklanȇrlar. «Gagauziyanın Şannı jurnalisti» adını Zinaida Kanţır, Alöna Terzi, Svetlana Dimitroglo, Marina Topal, İrina Karaman kablettilär, saygılı diplomunu Lüdmila Novak kazandı. GRT CK 18- yılı – kompaniyanın misiyasını belli eder, Gagauziyanın sesi olarak, angısı insannarı laf, kultura hem dil aşırı birleştirer.